ACG Toys 王小虎開盒

人樣漫畫人物（非特撮）製成人偶自己擁有唔少，日本既次郎，街霸系列，進擊系列，台灣既入樽系列，本地（唔確定係咪本地）海賊王系列和伊麵版聶風，甚至十幾廿年前既鬼僕華英雄，個人偶造得好唔好其實好主觀，但第一眼睇面相好重要。自己都學過吓雕頭，真係好難，漫畫公仔轉化成立體真人就更難，完全不能紙上畫畫相提並論。

以手上成品來比較，街霸和進擊有原著既神髓，只因面相係採取PVC膠那類景品形式製作，入樽和海賊王以漫畫真人化頭雕式製作就瀨晒嘢，隻隻唔係靠樣識辦，而係套衫，道友明流川，郭富城山治，西人卓洛...，完全攪唔掂，好彩都各自送返個漫畫Q版頭，先叫做似返個樣，但配上真人素體和服飾，又變得不倫不類。

講返今次動漫節人偶產品，刀眉星目王小虎（舊著好似係咁形容），一望真係喜出望外，和新著造形好似，兩套衫，小寶劍，腿花...，好吸引，再加上3D盒面，外外盒彩稿，都係由高手邱福龍執筆，再加個王小虎環保袋，呢個盒列入收藏系列；再望吓預告產品展覽，三皇大戰火雲邪神，相信龍迷最欣賞就係呢一戰，尤其身穿火雲戰衣既一間邪神，超期待...！當日另一吸睛作品係邱福龍既赤殺王，又係好正，可惜當日有節目，不能抽著咁大盒出席，所以只訂了赤殺王，諗住第二日再來過，點知第二日有事去唔到，差點與王小虎無緣，好彩有師兄仗義幫手，今週順利帶咗會小虎歸家...！！！