呢幾個星期雖然iPhone 6大晒，但唔代表其他廠都無新機出。而尋日Samsung就係香港公佈佢地大型手機Galaxy Note 4及Note Edge將會係香港推出嘅消息。
而其中最受注目，當然係設計獨特嘅Note Edge係點樣，Note Edge就用上2K 2560×1440解像度、5.6（正面） + 0.1吋（側面），2.5GHz的Qualcomm Snapdragon 805四核處理器，加上3GB Ram設計。而機身就同Note 4一樣，以全屬邊框加埋仿皮革面層膠機背，點睇都穩陣過iPhone 6大力小小都會彎嘅機身。
而係售價同發售日雖然未有確實日期，但從Samsung新聞稿上，發現Note Edge同Note 4所附送嘅禮品包入面，就有埋海洋公園全城哈囉喂折扣卷（10月2日至10月31日）。即係話部機好有可能，就會係十月頭或月中就會推出Note Edge，唔係送完張野過晒期唔用得的話，Samsung就隨時被人插到上天花板。
