「警訊之花」馬溱禧搞明星二手衫市集 許嘉浩戴潮眼鏡遮傷口撐場

「警訊之花」馬溱禧(Heily)聯同合拍警訊的「老闆娘」Toby合作搞明星二手衫市集，召集了香港二十多位藝人、模特兒、主持及當紅KOL的衣飾及化妝品開賣。馬溱禧(Heily)話今次已經唔係第一次搞明星二手衫市集，之前有在旺角搞過，今次揀在觀塘工廈搞因為地方大好幾倍，場主又不時焗蛋糕曲奇比大家飽肚。

發起呢個計劃因為Heily本身都識好多Models同KOL朋友，大家做呢行都有好多多餘或者只著過一、兩次的衣服，可以透過市集物色共同喜愛者。今次更加入了不少知名名牌產品或全新未著過的潮牌衣服，通通間被粉絲掃清。Heily更有計劃繼續物色香港各區不同場地每個月搞一次搞明星二手衫市集。

講到最近近況，她表示如常忙於拍攝警訊特輯，「男仔頭」性格的她在晚上也日接夜夜接日與男友人一同追看宜家熱播之世界盃足球賽事。

一身黃色打扮，架上黃色潮牌墨鏡同Cap帽現身明星二手衫市集開幕的形象指導許嘉浩(Karl Hui)明顯係為左早前因無情力意外受傷縫了十二針的傷口。問到傷口情況，Karl表示相當Ok，不用擔心。過幾日可以拆線，亦再次謝謝醫生細心及巧手的手工。做足戒口及傷後最佳護理的Karl希望絕不要留下疤痕，也公開感謝眾多粉絲及友人提供的去疤良方和寄來公司的最佳去疤護理產品。

Karl續說最不習慣是在炎炎夏日長頭髮的他因要極度小心避免傷口入水而不能自己如常洗頭，笑言體會到剛生BB的表嫂一樣坐月不能洗頭的感受。更大讚因意外感受到母親的偉大:「今次傷口雖然刺破皮膚真皮層而且頗深，但比起生仔的媽媽那開刀疤痕小事很多，要向媽媽致敬!」

而今次Karl亦唔係第一次獲邀參與這明星二手衫市集計劃，家中及公司堆積了不同國家及不同品牌設計師寄來的衣服及手工飾品，也租了八個迷你倉儲衫，今次可以來個「大清倉」。而今次有多達二十多位藝人、模特兒、主持及當紅KOL參與，在正式公開給公眾購物前，Models們巳內部認購了Karl五分四的衣飾，銷情理想。

同場的黃榕及首次參加的布晞尤(Raico)既放了很多衣飾開售外，更化身「購物狂」不斷買入到國內登台時需要著的性感表演裙。其中Raico表示「舊嘅唔去，新嘅點黎」所以以低至五蚊出售外國裙款，更會把收入撥捐做善事。