緊接住Game 1之後，就嚟到由3M 贊助嘅Game 2喇 ! 呢個遊戲除咗要考考大家嘅眼力之外，亦都好講求參賽者嘅手指嘅靈活度o架 ~ 遊戲方法好簡單，每支參賽隊伍都會有四張唔同顏色嘅3M隔熱玻璃膜，呢款隔熱玻璃膜除咗可以隔熱之外，仲具備防曬、防爆性能o架 ! 言歸正傳，參賽者只需將玻璃膜由淺色到深色排列好，然後黐上大會提供嘅膠板上，再確保玻璃膜冇起泡泡，最快完成又乎合要求嘅隊伍就會勝出喇 !
參賽隊伍非常留心咁睇住裝修華嘅示範同講解呢 ~ 示範過後遊戲正式開始喇！
呢個遊戲其實係好考參賽者嘅功力o架，佢哋要手眼並用，先分辨顏色，再將玻璃膜底層撕走！
部份參賽者真係睇到眼濛、手指酸軟都未能夠將玻璃膜底層撕走o架 ~ 就算成功撕走玻璃膜底層，要完美咁黐落膠板亦都考起唔少參賽者呢！
經過咗一段時間同玻璃膜搏鬥之後，勝出隊伍終於誕生喇 ! 呢個遊戲嘅勝利隊伍就係深德設計工程公司喇，各隊員都可以獲得由3M送出嘅豐富獎品o架 ! 大家俾啲掌聲！
裝修Challenge 2018 – Game 2 由3M 贊助 (裝修佬新聞)
https://www.facebook.com/hkdecoman
