【男人秘密】爸爸玩具齊齊《供奉》@ 超合金戰隊

認識我的朋友也知道我是一名「垃圾佬」， 由正常仁變成垃圾仁的原因， 是當年中五搬屋， 家母一口氣把我的玩具掉清引致。

中五後沉迷打機又未開始「病發」， 直至出來工作， 買回我當年第一盒被遺失的超合金， 情況便一發不可收拾。

當時曾一度堅持只收集全新， 未玩過未開過盒的70年代玩具， 這便是我只供奉玩具而不玩具的原因。

6歲的SY從未扭計說要玩我的玩具， 因為他自己也有不少今時今日TVB熱播的超人， 戰隊玩具。

但經我長期訓練， 他已經熟念38年的戰隊(暫時未學2015年的《手裏劍戰隊》)， 及43年來的幪面超人。 假若有日本特撮片公開考試， 他應該也可以名列前茅。

早前我藉著「祭祀」我的「神物」， 順便就破天荒給阿囝大結合一番， 兩父子「供奉」戰隊神非常神心…SY問我:「爸爸！！點解太陽戰隊得基地， 無買船？？ 你只係買大戰隊隻船呀？」

我細心欣賞我的太陽戰隊答：「因為當年嫲嫲只買過大戰隊嗰母艦畀爸爸囉…」

這個母艦， 當年我在《大大百貨公司》「恨」了很久很久， 某一個星期日， 我終於得到媽媽肯首購買， 前一晚開心得較去學校旅行更興奮。

滿心歡喜帶它回家拆盒準備為大戰隊結合之際， 我發現為何母艦重量如此輕巧呢….打開三個倉庫， 全部空空如也…

明明玩具盒上印有超合金戰隊相片， 誰知有一堆日文及寫明「別売」， 對！！ 從此我永遠也記得這個日文生字， 意思「另行購買」…

非常不開心， 又不敢告訴家母， 怕捱罵， 唯有一直只玩一部「吉」的母艦。

SY對我說:「你點解唔同嫲嫲講， 叫佢買埋機械人畀你？？」， 因為嫲嫲跟你媽媽一樣， 十分兇惡呀！！  SY:「薯~~！！ 玩喇..玩喇…媽媽行緊嚟啦…薯~~！！」兩個男人的第一個秘密， 就由我的玩具開始。