【Do姐大讚】解媽媽羅宋湯 超絶好味道 @ ABC餅屋

早前《口水多個浪花》訪問Yvonne解淑菁， 講述結志街三十年老舖， 被迫搬店的喜怒哀樂。

節目中Yvonne還提到自創減甜鳥結糖， 及連Do姐也大讚的羅宋湯。 嘩！！...30分鐘聽得我連耳仔也覺肚餓， 怎可能不親自拜訪灣仔新店。

星期三晚上7時， 皇后大道東新店只剩Yvonne一人， 努力忙著包鳥結糖， 電話響不停， 但Yvonne也無暇接聽:「我欠落好多客嘅訂單， 所以家陣得返我一個都係度包糖， 連電話都無時間聽呀！」

Yvonne非常好客， 見阿囝定神的望著她包糖， 就為我們遞上剛包好的鳥結糖 :「減咗甜架， 試下喇， 我哋仲有一款西梅味， 酸尾尾架， 我好鍾意...」(我恨食咗成個禮拜啦！)

我老實不客氣， 各試了一粒， 果然減甜後的鳥結糖， 非常順喉， 我已經多年沒有再吃鳥結糖， 因為很怕甜到「乸」喉的感覺。

的減甜配方絕對食三粒也沒有罪惡感， 更加不用喝水沖淡甜味。

而第一次接觸的西梅味鳥結糖， 簡直驚為天人， 我如發現新大陸一樣， 可能我愛吃烏梅， 2015我終於找到比烏梅更健康的「口立濕」！！

在場有家長表示「唔該一包”NEW”結糖」， 誰知同行小朋友大大聲:「媽媽， 無”NEW”結糖架， 係鳥結糖呀！！」此刻我其實忍不住笑， 因為我由細到大也是讀”NEW”結糖….

當晚本來想喝連Do姐也大讚的招牌羅宋湯， 誰知Yvonne一邊招待客人一邊說:「無架！！ 逢二， 四， 六我哋12點開始賣， 1點未到已經賣晒架啦！」吓？？

結果！ 我預留了一碗， 今日專誠又再去飲湯…幸好我有登記， 因為今日店內人人也排隊等湯…Yvonne:「4分鐘…煲緊第二煲…好快！」

原來當年Yvonne爺爺與同鄉在彌敦道， 開了六、七間ABC餐廳， 所以當我問為何灣仔這間餅店， 不沿用中環舊式餅店的設計呢？

Yvonne答我:「今日灣仔店設計， 就係模仿60年前ABC餐廳， 地下賣麵包， 樓上餐廳的經典裝修， 當年真係黑白小楷磚， 小楷磚咁架！！」

哦！...我沒有吃過ABC餐廳， 但我有跟家母到過尖沙嘴警署對面的《車厘哥夫》餐廳， 當年也是地面賣麵包， 上樓食西餐。

Yvonne一聽到即說:「《車厘哥夫》我爺爺都有少少股份， 但唔多…」哦！！難怪80年代中《車厘哥夫》就不見了， 股東們應該就是ABC的老闆， 原來齊齊移民徹退。 放在心裡20年的迷終於解開了…

Yvonne為我盛湯時說:「E個係我媽媽煮法嘅羅宋湯， 當年爺爺開ABC餐廳， 就一定飲羅宋湯配硬豬仔包， 今日我都推介你試下E個完美配搭。」

紅湯和白湯， 我一向必選擇白湯， 因為紅湯好辣…但今次的解媽媽羅宋湯， 味道濃， 材料超豐富， 無味精之餘一點點辣也沒有， 名副其實「阿媽靚湯」， 較我懷念的《車厘哥夫》羅宋湯更好味。

家母說過食完頭抽從此「食唔返」普通豉油， 而我飲完解媽媽羅宋湯後， 今生今世應該唔會再對其他羅宋湯有興趣…

森師傅正在搓檸檬卷: 「通常一日搓兩次， 不過今朝太快賣晒， 所以E家早啲搓定。」， 一底大約可以搓48件檸檬卷， Yvonne說:「我哋沿用當年爸爸的秘方自制檸檬餡， 唔係街外買返嚟架， 始終都係自己整嘅檸檬餡料好食啲。」

看森師傅年紀輕輕， 原來已經在ABC做了廿年， 本來他高薪去了遊艇會工作， 但得知Yvonne重開ABC， 有情有義的森師傅決定重返ABC，與Yvonne共同進退， 在灣仔區繼續傳揚40年ABC的好味道。

接觸Yvonne兩次， 雖然她總是忙過不停， 但一定也笑咪咪， 我問她是否搬來灣仔後好開心？ 她點點頭:「真係喎， 灣仔街坊熱情好多， 我都估唔到咁多人走嚟同我講， 以前我都係食ABC架， 妳哋E隻味就係我當年食嘅味道啦！ 我真係好開心。」

ABC有「真係菠蘿包」， 真真正正是有菠蘿的菠蘿包， 有網友告訢我，寫上一篇《759麵包》寫得很誇張。 我想說， 如果下半生只准我可以食一款麵包， 我一定揀ABC的「真係菠蘿包」. 吉士配菠蘿粒的餡， 就是放涼後， 依然好食到喊！ 

最後Yvonne推介我一定要試合桃酥， 這個放在櫃， 一個A 字圖案的祖傳餅模造成的合桃酥。

同事問:「有冇"B"， "C" 可以儲得齊架...」我本來興趣不大， 因為我最憎食鉅記杏仁餅， 硬實實， 心想為何Yvonne會推介我？？

免為其難嚐一口， 本來想將其餘的請同事吃...誰知， 入口鬆脆， 即溶於口的奇妙趣感覺， 好似你聽見無數合桃在你耳邊叫:「食我啦！！ 食我啦！！」..好食到我即時整塊全放入口。

最好玩原來這款合桃酥還可以加熱水， 焗一焗之後加糖攪拌， 即時變身成統山東合桃糊！！ 救命， 簡直一次過滿足兩個願望。

聞說這款合桃酥的秘方早已失傳， 是解爸爸當年幾經辛苦， 轉轉折折， 才問同鄉尋回製法， 否則這種山東名物又無法承傳下去。

來一次ABC真的學懂不少知識， 聽到不少真人真事， 我其實好有衝動我想搬來灣仔住， 目的就是想隔日飲解媽媽羅宋湯， 日日嘆「真係菠蘿包」呀！！

PS: Yvonne介紹蘇菲給我認識:「我哋識咗三年， 由朋友做到E家拍檔。好在有佢幫我手咋， 唔係真係做死我…」因為人人也想Yvonne繼續承傳ABC的「情」， 所以未來Yvonne與蘇菲應該會繼續忙過不停喔！！