【家居設計】讓牆身變成你的個人特色！你懂設計特色牆嗎？

裝修得再靚嘅屋企，都會被白雪雪嘅牆面嘅牆面大打折扣，型格個性同單調乏味係一牆之差。想要創意有品位嘅效果，首先你要識得運用。以下裝修佬同大家分享幾種常見特色牆設計，一齊睇下有邊款幫到你！

貼紙 

最簡單實惠嘅裝飾方式，就係牆面貼貼紙，唔好以為咁做會顯得無睇頭，其實，貼咗貼紙後另有一番風味。 

裝飾物 

如果你係Figure愛好者，屋企每幅牆都係最好嘅展示空間，節省飾物櫃空間，將心愛玩具擺上牆身。既可更好觀賞又可以節省空間，一舉兩得。 

裝飾畫 

裝飾畫風格款式眾多，如歐式油彩畫、中式水墨畫、或其他風格圖騰裝飾畫，選擇裝飾畫需根據家裝的風格來定。如果牆面空間較大，可以選擇連組畫，望落內容更加豐富，效果上亦會多添趣。 

儲物格 

想要裝飾白色牆身，除咗可以係牆身掛裝飾畫，仲可以係牆身上安裝形狀新穎具有特色嘅儲物格或者置物架，唔單止有裝飾作用，更能夠擴大收納空間。如果牆身空間比較大，或者想要提高牆面收納能力，則可以選擇井字形狀儲物格，兩側延伸出擱板還能額外擺放多啲小擺件。 

相片牆 

相片牆係裝飾牆身唔錯嘅選擇，大小形狀不一嘅相框，令牆身充實豐富嘅同時，令家中增添溫馨回憶。相片牆可以設計係大多數空白區，如走廊、梳化背景牆、電視牆等區域。如果你想令相片牆望落更統一美觀，亦可選擇旅遊相片或色調一致嘅相片，咁做整體色調更加整齊劃一。 

功能牆 

如果屋企有小朋友，就一定要考慮到小朋友鐘意發揮無限創意嘅藝術細胞，與其之後要辛苦清潔牆身，不如成就佢地，用Aquapro白板漆油上牆身就可以成為一幅白板牆身，想畫就畫。 

(文：艾華)

(以上圖片均來自網路，如有任何版權問題，請與本站聯絡)