【室內設計】教你4種英式裝修風格！

相信好多朋友係裝修前都會頭痛一個問題，就係決定裝修風格啦，裝修風格決定整體家居最重要因素，但同時亦係最大嘅難題，唔想後悔嘅話，裝修前就應該做足功夫啦！以下裝修同大家分享下比較少見嘅英式裝修風格，一齊去文！

英式簡約風格

英式簡約風格同現代簡約風格無太大區別，首先係傢俱選擇以實用性為主，無太多華麗裝飾，體現出現代年輕人極簡主義，成個家居環境俾人一種清爽俐落嘅感覺。 

英式復古風格

要體現復古風格，主要係靠顏色同傢俱，復古風格裝修，顏色大多偏愛黑色或者紅色，傢俱選擇上，一般以桃木、檀木為主，如果覺得大面積復古顏色令你覺得有些過時及沉悶，不妨擺些盆栽加以點綴，會有畫龍點睛效果。 

英式田園風格

田園風格，以其田園自然而著名，英式田園風格自然唔例外，英式田園風格以白色為主色調，乾淨、溫暖能夠一下吸引眼球，而傢俱特點主要係簡潔大方，親近自然，雖然無過多裝飾，但唔難睇出係細節方面有認真處理。 

英式田園傢俱中，手工梳化係重點，大多係布面材質，配上秀麗紛繁嘅花卉圖案或條紋，非常有置身花海嘅感覺。英式田園風雖然以簡單、典雅為主，但裝飾效果卻唔會令人覺得太單調嘅原因，碎花、條紋、蘇格蘭特案係英式田園傢俱中已經成為經典，唔單止係體現係梳化上，牆紙、牆面、櫃體等。 

英式華麗風格

講到華麗，大家肯定第一時間諗到金色，係英式華麗風格中，呢種顏色自然係隨處可見，玄關鞋櫃、客廳天花嘅一圈金色花紋裝飾、茶几腿柱、廁所鏡嘅花邊等，如果呢啲無處不在嘅金色仲唔夠華麗，咁可以增加高貴帶有層次感嘅傢俱，兩者配合可以說係天衣無縫。 

(文:Freaky)

(以上圖片均來自網路，如有任何版權問題，請與本站聯絡