黃建東、蝦頭做貼地夫妻笑爆嘴

TVB藝人黃建東繼《降魔的番外篇》後再度與團隊合作拍攝聖誕搞笑片，十分開心：「早前黃嘉樂同譚凱琪拍了一條聖誕宣傳片，特地到日本雪景拍攝，非常幽美。但是現實中冇可能個個都咁浪漫，所以佢哋搵咗我同蝦頭拍咗條”現實版”，想帶出個訊息就是無論是白雪公主定黃面婆，白馬王子定大肚腩，陪在你身邊的就是你最珍惜的人。不過因為是搞笑版，他們到北海道拍攝，我和蝦頭就是在北海道牧場餐廳拍攝。」

阿東最開心今次可以同蝦頭合作：「其實以前做舞台劇已經認識佢，但冇真正試過有對手戲合作。今次可以飾演夫妻，非常好玩過癮。我哋臨場仲度咗好多gag，包括排隊洗碗變成排卵，仲有親密鏡頭，令到現場工作人員笑到碌地。」阿東今次首似扮聖誕老人，佢話以聖誕老人的基準來計應該是最瘦最 fit，非常搞鬼。另外，有一幕阿東要扮型男 chok 住 catwalk，不過佢臨場攞住支义撩頭，令人笑爆嘴。

黃建東 – 聖誕天降奇緣(現實版) 花絮扮chok

黃建東、蝦頭 – 聖誕天降奇緣(現實版)