【新歌推介】林欣彤返母校拍《畢業之後》歌詞版MV 多謝當年老師提攜

林欣彤（MAG）早前重返母校南亞路德會沐恩中學，探望老師及師弟師妹們之餘，並順道為歌曲《畢業之後》拍攝歌詞版。中學時期已熱衷玩音樂的MAG，專誠走訪了母校的BAND房、圖書館以及物理室等地方，重拾當年讀書時的回憶及點滴。在《老表，畢業喇！》裏面當熱血老師的MAG，在母校老師安排下走進其中一間課室做客席講師，獲全場同學熱烈歡迎，課室外更吸引了大班駐足看熱鬧的同學，現場氣氛異常高漲。

MAG不諱言今天之所以踏上音樂之路，全靠在母校經歷的種種以及恩師的提攜：「我真係好想多謝我母校，如果唔係因為讀咗呢間學校，我未必會做到歌手。因為我喺呢度識咗一個同學，佢成日慫恿我參加唔同嘅歌唱比賽。

我亦都要特別多謝我嘅物理老師王SIR，佢係一個好特別嘅老師，佢唔止會教教科書入面嘅嘢，佢亦都好著重課外活動。我哋學校有個PRODUCTION TEAM，成立咗好多年架喇，好多呢條TEAM嘅同學，最後都入咗行做幕後。王SIR亦畀咗好多表演機會我，令我認識咗依家班鍾意音樂嘅朋友。我愈嚟愈鍾意音樂，都係因為呢位老師。」