講到理想伴侶,女人都希望對方高大靚仔、有錢又體貼,但現實中有幾多人係咁完美呢?咁到底當中邊樣對女人嚟講係最吸引呢?

日本有一項綜合670位女性意見嘅調查就講到答案畀你知,一齊睇下理想男人5大特質嘅排行榜啦!

第5位 靚仔(165票)

有邊個唔鍾意靚嘅嘢?只係靚仔唔可以當飯食,如果除咗靚仔之外一無是處,脾氣差、唔識照顧你嘅話,其實都無用。所以大多女仔都係覺得樣生得順眼就可以,其他條件更加重要。

第4位 聰明(187票)

呢樣唔係要一個男人好似本死古板嘅百科全書咁,而你學識淵博得嚟識得靈活運用,令兩個人之間嘅對話變得既有趣又有意義。

第3位 收入高(230票)

有錢只係排第3位,係咪好意外呢?其實女人最睇重嘅係個人嘅性格,雖然現實條件都係一個考量,但喺兒家女人都可以擔起半邊天嘅年代,呢樣已經唔再係咁重要了。

第2位 幽默(250票)

每段關係裡面最重要嘅都係溝通,幽默嘅處理方式可以避免兩個人喺唔同問題上鑽入死角,而且能夠維持關係嘅趣味同新鮮感。

第1位 溫柔(413票)

第一位嘅得票遠超其他特質,原來呢點比任何錢銀或樣貌都重要,溫柔體貼先係女人覺得可以維繫一世、白頭到老嘅理想情人。

男士們如果覺得自己嘅吸引力唔夠,可以喺以上幾點著手,撇除樣同錢,性格先係最大關鍵啊!

(圖片來源:tumblr)