新年前裝修，仲有大把時間？ (裝修中伏大全)

「全屋裝修要幾耐？」 

「快則兩個月，慢則三四個月吧。」 

「咁12月開始都ok喎！點解裝修公司話最遲10月尾先保證到過年前交貨？」 

「你有所不知啦…」 

過年前裝修的七大難題：

1. 年尾缺人，越遲越難搵師傅 

2. 一單遲，單單遲，危機指數急升 

3. 師傅忙到甩轆，易有甩漏出錯 

4. 廠單飛到周圍係，易出錯兼補件耐 

5. 時間越忟，質素有可能下降，收貨難 

6. 彼此覺得對方做野唔駛時間，爭拗多 

7. 冇考慮執漏同入住後才發現的問題 睇得明就最好。

如果睇太明都唔緊要。如果要趕過年前完成工程，大家可以考慮以下三點： 

一/ 盡量早些confirm師傅 

師傅唔會standby等。將心比己，有新客搵，師傅都會傾。冇理由人地傾到尾，再問你做唔做，做就推掉人地。 

二/ 如果遲收樓，唔好等收樓先黎度尺報價 

這不會有風險嗎？到時報價超預算咁點？如果擔心，可以找版主幫下手。好既公司報價係有數得計，唔會亂黎。 

 三/ 找合適，往績好和穩定性高的師傳。 

比如有自己team緊密夾開既，同埋懂得點樣manage旺季既。最重要係以往冇起呢啲位失手既。唔肯定？咁又可能需要版主既情報幫下手了。

總的來說，在這期間裝修，你需要將「工期管理」這選擇準則提高！ 

希望各位不會成為臨近新年inbox求助的版友之一。

(以上圖片均來自網路，如有任何版權問題，請與本站聯絡)