條款細則逐條睇(三) : 貨係邊個收? (裝修中伏大全)

送黎啲磚邊個搬上樓？磚公司？裝修師傅？戶主自己？ 

場景： 

裝修師傅：「喂管理署話你D磚到左樓下啦喎。乜你冇叫佢地送上門咩？」 

戶主：「下？乜唔係你地代收架？」 

裝修師傅：「我係裝修師傅，唔係苦力黎喎！」 

戶主：「哎，我唔知道呀。我以為磚店包送貨就搞掂嘛。」 

裝修師傅：「管理處話要即刻搬走佢呀。」 

戶主：「師傅如果你幫我搬上樓要幾多錢呀？」 

裝修師傅：「唔係錢既問題呀！老闆我係做油漆架！搬到手軟仲點油呀？你叫磚店返黎啦！」 

戶主：「佢話司機唔會搬，找苦力都要時間喎… 師傅你幫下手啦！」 

裝修師傅：「一陣遲D係打開D磚崩角爆裂，你會唔會怪我架先！」 

戶主：「我梗係會… 呀唔係，梗係唔會怪你啦！」 

裝修師傅：「咁好啦。我收番你一工算啦。D門唔好又係咁叫我搬上樓呀，睇清楚條款呀老闆。」 (掛線)

裝修師傅(心想)：「X！咩車邊交收？擺明就係想你地自己搬，有咩事可以賴你搬運時整爛啦。」  

防伏貼士：

送貨必須送上門。講~完！ 

>>想知更多重點防伏貼士：參加防伏班，必不後悔！ 

=== 

↓ ↓ 即將裝修的朋友，極度推薦要參加裝修防伏班啊~~ 

【裝修防伏班】(10月5日)： https://goo.gl/sbGnGV

【家居維修DIY十項全能】(10月8日)： https://goo.gl/5rsKmJ

【免費「揀磚小知識」講座(10月5日)： https://goo.gl/LXATM5

【免費裝修公司配對】(任何日子)：https://goo.gl/jC9lBl