大家飲嚟飲去都係飲緊原版可樂同zero？其實可樂嘅口味絕對唔止咁少！可口可樂公司其實不時都會推出特別版口味嘅可樂，但好唔好飲呢就真係見仁見智喇。
薑汁可樂
可口可樂公司喺2016年推出嘅「養生」系列可樂，仲講明應該加熱嚟飲！但大陸竟然揀喺夏天推出，唔使問都知呢款可樂最後嘅銷售慘況……
蒜味可樂
呢款重口味可樂來自羅馬尼亞，真係隔住個樽都聞到味……原來呢款嘅靈感來自日本青森縣當地一款大蒜可樂。而呢隻口味推出之後仲好受羅馬尼亞人歡迎添！
咖啡可樂
可樂雖然都有咖啡因嘅成分，但始終提神效果有限。既鍾意可樂又想提神嘅朋友，呢款就幫到大家魚與熊掌兼得喇！
Coca-Cola Life
可樂一定唔健康？呢款叫「Life」似乎有啲唔同啵。原來呢款可樂嘅原材料同甜味都係萃取於樹葉，卡路里比平常可樂低出3分之1咁多！
睇完以上幾款可樂之後，大家有無覺得都係飲返原版算喇？
（圖片來源：tumblr）
