【飲飲食食】甜品精彩的街坊海鮮菜館

朋友介紹這家海鮮菜館，海鮮天天新鮮，小炒款式多，價錢超值。今天成班為食鬼來開餐，點了多道菜式。

先來叉燒拼燒腩仔，燒汁什菌一口牛拼招牌香醋一口骨。燒腩仔部位靚，五層樓無得輸，皮脆不過鹹。叉燒夠腍，若再肥一點就更合我胃口。一口牛及一口骨也夠香口，火候控制得宜。

跟著薑蔥炒奄仔蟹、油浸大筍殼到，蟹肉飽滿，炒得夠香夠乾身，薑蔥也入味。筍殼真的大條，肉嫩外皮香口。

鹹魚蓉煎肉餅夠鹹香，而太子紅燒乳鴿新鮮炸起也香口，鴿子比較大隻，厚肉但稍嫌肉汁不夠。

豉蒜炒虎皮尖椒，以青椒為主的一道菜，青椒表面炒得微焦，斑紋像老虎花紋而得名。這碟炒得夠香口，皮爽肉綿而不爛。梅菜菜心的梅菜微鹹，來貨靚之餘，師傅也處理得好才沒有過鹹。這搭配很襯。 最後亦是最精彩的甜品焦糖布甸，有蛋香，夠滑，焦糖亦燒得夠火候，焦糖應聲而破，整體甜度剛好，只售 $18，一般甜品店不會少於 $30，也未必有這水準。

多款菜式也是中上水準，但價錢非常相宜，相信街坊多會到來加餸，甚至以此為飯堂也可。

太子海鮮菜館

長沙灣元州街481號

注:鄰近荔枝角地鐵站，區內亦有多個咪表車位, 可供停泊