如果女人發現男人講大話一定會嘈到拆天，但如果調轉係女人呢？女人又係咪真係會知無不言、言無不盡呢？
其實不論男女都一定會收埋啲秘密喺心裡面，男士們唔想蒙在鼓裡，就了解一下女性覺得需要隱瞞另一半嘅5件事啦！
1. 健康問題
如果女性發現自己身體可能出現好嚴重嘅問題，佢哋第一步會做嘅唔係話畀身邊嘅人知，反而係怕講咗出嚟會令伴侶擔心。所以如果發現另一半突然變得沉默寡言，就要主動關心佢喇。
2. 兩人關係的問題
呢樣可以話係男女的死穴，女人可能會為住一啲小事而大吵大鬧，但當遇到唔知道點樣解決，或者係覺得講咗出嚟就會失去對方嘅時候，就會選擇啞忍。
3. 喜歡的性愛模式
呢點雖然真係好守舊嘅諗法，但事實上大部份女性都唔敢表露自己喺性愛上嘅喜好，覺得咁樣會令對方覺得自己要求多多。性愛理應係兩個人一齊享受同探索嘅事，就算女方唔敢講，男士們都應該好好照顧女伴嘅需要。
4. 個人成就
同樣係傳統思想，但大家都覺得男士最忌諱嘅除咗戴綠帽，就係另一半叻過自己，所以女人為咗捍衛男性嘅自尊，即使係事業上有所突破都未必敢講畀對方知。
5. 財務狀況
女人會收埋私己錢相信都係不爭嘅事實，但咁做嘅原因有好多，可能係想隨時買到自己鍾意嘅嘢，亦可以係想自己keep住嘅一份安全感，甚至乎係覺得兒家嘅對象靠唔住，想另覓對象嘅徵兆……
（圖片來源：tumblr）
