《猿人爭霸戰：猩兇巨戰》慈善優先場 河國榮、陳淑莊呼籲愛護地球

國際非牟利機構珍古德協會（香港）(the Jane Goodall Institute Hong Kong) 首度聯同「二十世紀福斯影片」 (Twentieth Century Fox Film) 昨日於奧運嘉禾影院舉辦《猿人爭霸戰：猩凶巨戰》慈善優先場。

出席的主禮嘉賓包括立法會環境事務委員會主席陳淑莊女士以及剛參與國際電影試鏡並十分愛護動物和大自然的河國榮先生。兩人呼籲大家支持「黑猩猩守護者計劃」，助養黑猩猩，並宣揚「生態保育，由我做起」的環保精神，喚醒人類與動物和大自然的關係，實踐拯救使命。

河國榮分享他對大自然的睇法：「人嘅數目越來越多，佔用嘅地土就更加多。不經不覺我哋霸佔咗動物嘅地界，例如砍伐森林樹木，就係佢地嘅屋企。下一代同我哋要識得尊重愛錫大自然，就好似一家人一樣。我敬重嘅Dr Jane Goodall就係致力保育黑猩猩同埋生態環境嘅聯合國和平大使，Jane一直深信世界嘅未來掌握喺年輕人嘅手中。呢套電影就係想年輕一代守護地球。」

陳淑莊女士補充說：「我地都是出於大自然，我地要繼續學習互相尊重。有小學生寫信比我，話想盡快立法禁止象牙貿易，仲解釋原因係因為大象好可憐，有時好似人一樣咁可憐。我認為有時不必要對抗對立，卻係要用好似電影動態嘅方式宣揚和平理念。珍古德博士受世人所敬重，係1991年於非洲東部坦桑尼亞三港(Dar es Salaam) 與非洲當地16位高中生組成Roots & Shoots小組，為向世人推廣對一切生命的關懷，並且作出良好嘅互動，藉此去理解不同信仰文化，令世界更美好。」

同場還有Peggy,Verna 和一眾名人鼎力支持保育大自然，Peggy 說她正在學習演戲，希望為電影作出貢獻。

記者:林律希,Sarina