今日兩點學界罷課爭普選開始，點解會罷課、點樣去罷課，呢樣野近兩個星期新聞都講題。而筆者今次講嘅，係點解有人會怕罷課。
綜觀香港多年來罰課歷史，由71年學界保釣行動、到最近一次2012年反國教，四次罷課，除有中文大學由四年制改三年制一次無效果外，其他時候都具有將事情逆轉嘅改變。不過最重點，就係當權者、既得利益者永會最怕見到，就係佢地眼中原本只應該係未來社會機器一部份、無需有過多思考能力嘅學生，依家卻懂得聯合起來成為一段新勢力。
對於一個當權者來講，咁即係意味著不單係今次政改，甚至係未來佢都會面對著今次罷課世代嘅反抗，為本來就要花上不少資源維穩嘅政權，再添一個不穩定因素。而且同一群成年人唔同，利誘不易、抹黑更難、再加上成年人保護，學生運動一向都係政權最頭痛敵人。
不過最有趣嘅，就係咁耐以來，只有親政權者或者政權本身，先會害怕罷課，而且越做越激烈。因為講到底，就係怕學生一但成事，佢地就驚著會被人秋後算帳，所以到最後情願面同邏輯都唔要，都要打壓到底。
所以罷課，有咩值得驚？要驚都唔係你去驚。而係一群怕自己因為之前所做之前會被算帳，所以不斷做更多蠢事嘅人。
