【周日逛最型】熱情手作仔派對 @ SUUUPER MARKET

從未去過葵興工業街，  因為今日有「SUUUPER MARKET」， 所以一早走過去玩， 原來一點也不難找。

今次市集地點， 本來是Crystie與男友的工作室， 今日改裝得好有主題， 好有Feel， 而且凝聚了一股少女向氣氛。

戴上一個大圓眼鏡的Crystie說:「因為我好鍾意逛市集， 所以2015想落手落腳攪返一個， 今次全部檔主都係我接觸過， 自己最鍾意嘅品牌， 所以邀請佢哋一齊玩囉！」(難怪今日風格非常一致啦)

Crystie熱愛擁有200多年歷史的英國陶瓷Wedgwood， 她今日亦有擺放數件從外國尋寶回來的小小藍色陶瓷。 一點也不似超過50年的古董， 一點脫油情況也沒有， 給我一定不捨得用。

https://www.facebook.com/suuupermarkethk

第一次擺市集的Jeff， 剛剛放工趕來市集， 小小的檔位舖滿不同圖案煲呔。

本來和太太夾份， 但太太未放工， 所以由他向我介紹:「台灣人的愛好， 與香港好唔同， 例如這款大量人仔指向中心點的煲呔， 台灣賣出十多個， 香港只有兩， 三人訂。」。

非常愛貓的他們， 家中有兩隻歲半大的小貓， 暫時皮皮就製成布袋， 麼麼就印在煲呔上。

被問為何未有第三隻貓仔的作品， Jeff說:「就有， 就有， 因為我哋都係開始咗8個月左右。」

之後， Jeff有一位朋友來訪， 她手執我剛才拍照皮麼麼煲呔心痛說:「哎呀！點解麼麼多咗粒墨架...(Jeff:唔係..應該污糟咗一點遮)」...死！不知是否我剛才弄髒呢？？

https://www.facebook.com/novioshk

島中坊研的袋超正， 入形入格之餘又夠簡約， 兩位全職手作人是來自長洲的Amy 及 Stephen。

Amy手中的真皮布袋是她們的最新款， 她說一日可以製作兩個。 我答:「我曾經造過一皮袋用咗三個禮拜。」Amy說熟能生巧吧！

我覺得她們每個袋的底座， 才是整個創作的神來之筆， 又靚又獨特， 可能我近期愛上Lego， 我覺得很有Lego Feel。

雖然我不知道一針一線人手密密縫製， 如何能一日完成兩件產品， 但在旁邊Novis的Jeff笑笑口插嘴：「因為佢哋對手安裝咗摩打架…」

Amy說:「當初我在市區返工， 每晚返到長洲都9點幾， 造得袋嚟都差唔多又要返工...」 Stephen:「每晚都無乜點瞓， 所以之後我哋兩個就辭咗職， 專心試下創業。」

Amy 及 Stephen非常有默契， 一個收錢， 一個即時記錄， 八卦的我問「你哋係米拍緊拖架？」

Amy腼腆說:「好尷尬呀你個問題..係！！」， Stephen又甜甜的點頭， 小情侶非常令人艷羨。 我答應了她們， 4月來長洲爬完包山後， 會去探「島中坊研」工作室， 到時不要忘記我呀！

https://www.facebook.com/island.workbench

走到另一檔， 枱上整整齊齊排滿一包包「王媽媽茶包」， 問一問Joey是否妳們手作呢？ 自學3年中醫的Joey答:「我哋係藥材舖入貨， 再和媽媽一齊包裝出售。」

點解妳店的名字叫王媽媽？ Joey輕聲說:「因為我想多謝我媽媽， 我想佢都有份參與我的工作， 我都想佢一齊分享我嘅喜悅。」， 真的很溫馨。

我叫Joey推介我飲一款茶， 她說:「桑椹杞子茶好呀！ 冬天最啱， 保腎之餘， 又可以令你瞓好啲。」

晚上致電Joey， 原來今日的銷情非常好， 多款玫瑰花茶包也賣斷市， 她說:「今晚都補唔切貨， 所以聽日都係唯有賣其餘款式…」王媽媽知道一定更高興。

https://www.facebook.com/wongmamaherbal

今日， 我又再次與MUM's NOT HOME相遇， 上次只能與Chow 傾計， 因為Makui去了飲宴， 今次終於有緣一聚。

嘩！！ 每次來他們的檔位總有新驚喜， 今次除了見到他們的破格「蜜瓜」， 「水竹」頸鏈， 竟然還見到...

很有Cyber感的「Hi-Fi膽」頸鏈， 連「Hi-Fi膽」都可以做頸鏈， Makui的創意非同少可。

原來Makui的爸爸既是裁縫， 又是水電師， 更是"是誰~在敲打我窗" 的膽機發燒友， Makui介紹:「爸爸話E啲係平膽， $100一粒， 佢貴嗰幾千蚊粒嘅梗係無畀我啦...」

Makui的Hi-Fi膽頸鏈只售$120， 只賺$20難怪他說:「前一次市集一擺出嚟就賣晒， 上次都無貨， 所以今次再整幾粒囉。」， 真心覺得戴著掃結他一定型到爆！

https://www.facebook.com/mumsnothome

臨走前被Amus的自製皮革包所吸引， 不願上鏡的Amus:「皮革戒指120分鐘自製， 包保一定成功。」

在旁的Chow好開心:「真係得架， 我上次60分鐘就做起啦！！」(Amus:鑽石形難好多， 你上次造正方形咋…) 老朋友你窒我， 我窒你， 旁觀者的我也樂在其中。

http://anywayawyna.com/

可能多數檔主也互相認識， 所以場內好熱鬧， 有點似包場派對多個似市集， 而且最初以為「隔涉」， 原來人潮川流不息， 總知如果你也想入型入格， SUUUPER MARKET今日還有一日呀！！

1月18日

12pm ～ 8pm 

葵興工業街10號 華懋華發工業中心 前座14樓1402室