吳雨霏(Kary)的粉絲每年都會與偶像舉行生日派對,今年亦不例外,預早在Kary生日(6月9日)前一同慶祝,更預備了一個前所未有的驚喜,令偶像忍不住流下最幸福的眼淚!

當日半百粉絲一早已到達場地預備和佈置,包括有從內地而來的粉絲,其中有歌迷花了十小時親手做了一個生日蛋糕送給Kary,很有心思。Kary都十分識做,逐一與歌迷影相和傾計,還準備了印有自己名字的限量版衛衣作抽獎遊戲,氣氛非常熱鬧!

最令Kary喜極而泣的是這班可愛的粉絲,大大聲向她讀出「愛的宣言」,內容為:「我請在場粉絲見證,我地Fans club願意認你為我地既唯一女神。從今以後,無論你日後點樣發展,無論你係29+1、39+1、定係99+1,小粉絲們表示會永遠愛護你!人生路上我地會一直默默支持你,我地永遠都係你既後盾,你既第三個家。如果有一日你累了,遇上唔如意既事,唔好忘記我地一直都會係你身邊陪伴你,同你渡過每一個難關。你願唔願意日後一齊努力同我地走過每一天?」Kary一邊聽一邊笑著流淚,其中一位男粉絲更做代表送上大顆「戒指」以表誠意,Kary感動地表示:「我無估到會被歌迷們整喊,多謝大家對我一直以來的支持,即使我這段時間少見大家,但他們對我依然不離不棄,好快大家會有新歌聽啦,都想將這首歌送給歌迷!」

2年未有新歌派台的Kary,今個月尾將會有全新廣東新歌面世,而且在7月至12月會在內地五個地區舉行巡迴演唱會,包括江門、佛山、東莞、深圳和廣州,樂迷們記住密切留意!


 Kary一年一度粉絲聚會生日派對 歌迷「愛的宣言」令Kary感動落淚

 https://www.facebook.com/starshk