【荃灣】有驚喜嘅特色茶室：全記點心專門店

行街行到攰諗緊食咩好 就見到全記點心，之前聽朋友講呢間好好食 就試下先啦！

果然名不虛傳，特色裝潢，新一派茶樓感覺！

價錢都不算貴。

坐低即呷一口鐵觀音先，但只係茶包沖，並非一壺壺。

先點特色點心黑松露芝士蟹子湯包。

芝士蟹子湯包啖啖濃濃芝士，芝士控必點！黑松露味又不會搶走芝士味，內裹混著肉粒，外皮亦十分薄，好食。

黑松露野菌餃，野菌混入黑松露，外皮做到煙韌不痴牙，外皮超煙韌。

點少得我最愛奶黃包呢？混左蛋黃在內，口感有沙沙的感覺，滿滿的幸福感！

值得一讚係，連素腸粉 都拉得好滑！好驚喜。 

必點的，脆炸雲吞，即炸脆卜卜，蝦新鮮

座位亦十分舒適，店員服務態度亦很好。