細個睇變型金剛除空柯栢文之後，天火都可以列入我最喜愛三甲之內原因，第一版G1jetfire天火仍在尋找中，而新版適蓬復刻，上次冇買，今次就打孖起個雙飛，日/美版一齊入曬嚟個齊人之福，以前Ｄ人成日話日版老變玩具會正過美版，不過經過今次比較，個人認為今次美版跑出個馬鼻，原因好簡單，今次美版所有槍炮原用電導製作，相比日版只用普通色，成隻華麗得多，不過論外盒包裝日版又贏返成條街，雙方算係打成平手啦！