天下烏鴉一樣黑，咁男人又係唔係個個都會偷食呢？無論係一時受唔住誘惑，定係keep住一腳踏兩船，數據分析指近7成男人都曾經出軌。

每個女人都係福爾摩斯，捉住少少蛛絲馬跡都查找到背後嘅真相，就等我哋一齊調查吓到底男人最常喺邊8個地方偷食啦！

1. 酒吧

由於酒精嘅關係，又或者係嗰度昏暗嘅燈光，酒吧的確係覓食調情，甚至係「執番劑」嘅好地方。心理學家Anne Campbell嘅問卷調查結果顯示，幾千名受訪者中有一半都表示試過同啱啱喺酒吧識嘅人發生one-night-stand！

2. 辦公室

辦公室戀情就好常見，但辦公室偷情原來都絕對唔少！有大概百分之40嘅出軌男都表示佢哋嘅偷情對象係喺做嘢嗰度認識。朝夕相對、方便就手嘅環境，加上工作嘅壓力都令男人好容易同同事有路。甚至乎係一齊去工幹、公司party，或者開個OT，都已經係男人偷食嘅最好機會。

3. 單身派對

男人喺結婚前一晚都好流行喺正式做「老襯」之前搞單身派對，但正因為係自由身嘅最後時刻，或者就令男人覺得要把握呢個機會瘋狂一下，一嘗偷食禁果。

4. 婚禮

有時一個人出席同事或朋友嘅婚禮正正係認識到唔少新朋友嘅好機會，當中都包括狂風浪蝶，特別係有啲人會特登隱瞞自己已經有女朋友，等佢哋方便同其他女人搭訕。

5. 健身室

Gym room入面到處都可以見到著住緊身運動衫、流晒汗嘅性感身體，或者正係男人喺無人看住嘅情況下做另類運動嘅好地方。

6. 社交網絡

而家市面有大把交友網，即使係常用嘅社交網絡上都可以識到來自世界各地嘅人。互傳曖昧message、交換性感照都係輕易而舉嘅事，一句看似無心嘅flirting背後其實可能已經咩都做過晒。

7. 透過佢嘅好朋友

正所謂「近朱者赤，近墨者黑」，如果男朋友身邊嘅好朋友係個花花公子，身邊嘅女伴好似烏蠅咁飛嚟飛去，咁你都要小心留意喇。因為你嘅伴侶都可能會因為呢個損友而開始覺得偷食唔係一件咁嚴重嘅事！

8. 任何佢覺得好玩嘅地方

睇一場演唱會、周不時去開嘅公園、一次同學聚會等等都可以對方偷食嘅好時機，每個人都貪戀新鮮同刺激嘅感覺，所以偷食真係防不勝防。除咗睇實啲對方之外，其實關心對方嘅需要，不時為關係製造驚喜都係保鮮愛情嘅好方法。

（圖片來源：MM.net、tumblr）