有人話寧願要醜男都唔要矮仔?到底樣衰同矮對男仔嚟講邊樣比較「致命」呢?

日本網站gakumado就喺2月訪問咗286個女大學生,問佢哋如果一個係高但相貌普通嘅男仔,同埋另一個矮但係又型又靚仔嘅,兩個之間會揀邊個做男朋友。

結果發現……75.2%嘅女仔都會揀高而相貌普通嘅男仔,只有24.8%會揀矮但有型靚仔嗰個。兩者之間嘅差別足足有成50.4%!

至於點解佢哋咁揀呢?揀高男嘅一方話:「父母鍾意高嘅男仔」、「鍾意高嘅男仔,外貌只係其次」、「同高嘅男仔企埋一齊比較有面」;而揀矮仔嘅另一方就話:「我自己唔高,都唔需要揾個咁高嘅伴侶」、「外表至上」、「太高嘅男仔好難kiss」。

唔通真係你的身高如何,你的命運也必如何?!但其實娛樂圈中都不乏矮嘅型男,即使身材矮細啲,都一樣咁受人歡迎。或者除咗樣同身高,性格同能力更加重要!

▼郭富城官方身高報稱172cm,但傳聞只有165cm。

▼梁朝偉官方報稱174cm,傳聞168cm。

▼周杰倫官方報稱175cm,傳聞170cm。

▼謝霆峰官方報稱175cm,傳聞169cm。

(圖片來源: Manhattan Bride、tumblr