【家居維修】鋁窗漏風點算好？

（文： 艾華）

窗嘅存在為我地帶來開揚嘅環境、令室內空氣流通、減少壓逼感等，但鋁窗使用時間長咗，會出現漏風、隔音差、唔保暖嘅情況，認真頭痛。想要解決漏風問題首先要搵到漏風嘅原因，以下裝修佬教大家鋁窗漏風嘅解決方法。

鋁窗漏風原因 

材質差 　　

如果鋁窗材質差，用兩三年就會發生變形，一旦變形，密封性能就差，就會發生漏風，所以係選購鋁窗時要格外留心材質。 

安裝問題 　　

鋁窗一定要裝得正，否則鋁窗使用一段時間後可能會出現越來越歪嘅情況，窗框同牆體間嘅空隙就會越來越大，漏風就在所難免。或者系鋁窗下框用咗爆炸螺絲連接鋁窗同牆體，應該將窗框嘅爆炸螺絲頭部用密封膠密封，咁樣窗框內嘅水先唔會順著爆炸螺絲滲到牆入面，而係順著排水口排出去。 　

鋁窗配件質量差 

最常見嘅係密封條老化裂開，導致鋁窗密封性能變差，另外玻璃膠太軟，用咗幾年後就發生粉化，導致窗框同牆體間嘅空隙變大，導致漏風。 　

解決鋁窗漏風方法 

安裝時要做足功夫 

鋁窗係安裝時，需要打玻璃膠填充窗框同牆之間嘅空隙，等玻璃膠固化後，再係窗框嘅周邊均勻擦密封膠，既防止雨水滲入室內，亦防止漏風。要留意，鋁窗嘅內部同外部都要上膠，如果只係內部打膠，或內部幾個位打膠，就會出現漏風、漏水情況。 　　

鋁窗加層塑膠 　　

鋁窗用耐咗，會容易透風，介面位置空隙太大無法粘合，最好嘅辦法係鋁窗周圍先用海綿粘貼，然後將成個鋁窗用塑膠罩起，塑膠吸熱又密不透風，溫度可以保持得好。 

舊式鋁窗佈置夾層 　　

對於雙層嘅舊式鋁窗，最好嘅方法就係窗同窗嘅間隔處填上木碎，木碎可以解決潮氣，亦可以阻擋鋁窗底部強烈嘅冷空氣。對於鋁窗嘅窗罅，可用牛皮紙封起身，保證密不透風。 　　

鋁窗罅隙處理 　　

窗框同牆體間如果有空隙，首先將罅隙清理乾淨後，用發泡膠填充，然後再用水泥河沙填滿，最後再做修補，窗框漏風可以考慮加上密封條。 　　

安裝鋁窗遺留問題 　　

首先要睇係師傅安裝得唔好，遺留問題定鋁窗本身有問題，鋁窗原因嘅話應追討店鋪，如果係師傅係安裝時候有問題，可以拆落來，重新安裝返便可。

(以上圖片均來自網路，如有任何版權問題，請與本站聯絡)