【裝修佬話你知】浴缸保養方法

（文：呀J）

雖然浴缸唔係廁所嘅必備，但擁有一個浴缸係非常幸福嘅事，因為浸浴係可以身心放鬆、舒緩全日疲勞嘅首選。由於浴缸係潮濕環境存放，容易滋生細菌霉菌，保養方面有好多需要注意，究竟係點？裝修佬話你知。

隨時清理管道堵塞 

管道要每個星期清理一次或兩次，一來清除味道，二來防止細菌滋生。可以用專門清潔下水道產品，灌入下水道5分鐘後清洗，注意唔好用係金屬管中。浴缸如果塞咗，可先將去水閥門關閉，然後放適量水係浴缸中，將橡膠吸引器(疏通馬桶用)放係去水閥門上，再打開去水閥門嘅同時，按住浴缸溢水口，然後快速吸，將污垢或毛髮吸出來及時清理，堵塞比較嚴重嘅情況下，可以重複幾次，直到疏通乾淨為止。 

溫和處理表面 

污漬可以用舊牙刷蘸漂白粉水刷洗表面，既可以去除污漬，又可以消除霉菌。遇到難清理嘅污漬，可以用半個檸檬加鹽抹，亦可用牙刷加有美白功能嘅牙膏擦洗。對於水垢，平日清潔馬桶用嘅產品可派上用場，如果唔鐘意刺鼻味道可用檸檬加白醋呢種比較自然嘅方法。對付霉菌、細菌，用漂白水沖洗後即刻抹乾便可。 

每週清潔 

清洗亞加力浴缸時要用海綿或絨布，唔好使用粗布、百潔布，唔可以使用任何含有顆粒狀物體嘅清洗劑，最好可以避免太陽光直射。可用溫和清洗劑如洗潔精，勿用研磨清洗劑，亦可以用玻璃水清潔。鑄鐵浴缸每次用完都要用清水充分沖洗，並用軟布抹乾，如遇到頑固污漬，可用少量研磨清洗劑清洗，用軟尼龍刷清潔底部防滑面，勿用鋼絲球、鋼絲刷或研磨海綿刷洗。 

每月應沖洗按摩浴缸兩次以上，順時針方向調節噴嘴至完全關閉位置，防止漏氣。浴缸加入溫水，或使用完之後將水留係浴缸中，係水中加入小許低泡沫洗潔精同少量漂白水，將按摩浴缸開啟5~10分鐘，然後關閉，將水排走後用水沖洗浴缸表面。浴缸長期處於濕熱狀態下，會滋生好多細菌，有時清潔完，表面睇起身乾淨，實際上有好多細菌存在。建議定期用熱水沖浴缸表面，唔好隨便使用消毒水，因為消毒水唔一定可以殺死霉菌、細菌等。 

及時修補傷痕 

浴缸安裝後唔好私自移動，唔可以用硬物敲打、撞擊表面，造成碰傷或刮花。亞加力浴缸如需修復黯淡或劃傷部分，可用乾淨抹布混合無色自動打磨溶液用力擦，然後擦一層無色保護蠟，切勿係落腳地方上蠟，以防滑倒。

(以上圖片均來自網路，如有任何版權問題，請與本站聯絡)