【勁濕】回南天殺到！不同材質的傢俱，要如何防潮？

（文：康少）

話咁快就到咗頭痛嘅回南天，濕漉漉嘅環境氣候令人心情煩躁之外，係日常生活中都會有所影響，例如傢俱表面都會有層濕氣附著，令人束手無策。以下裝修佬同大家分享各種材質傢俱嘅防潮方法，一齊對抗回南天！

皮質傢俱 

皮革受潮後會遇冷變硬，係某啲角落嘅表面仲容易出現霉點，甚至有啲傢俱受潮後會變形或褪色，但皮質傢俱嘅保養功夫就顯得更加重要。係除塵、去除霉點過後，應係表面抹皮革專用油等，真皮沙發可係下面放啲乾燥劑以保持乾燥。 

布藝傢俱 

布藝傢俱嘅設計比較個性化，一般可以經常清洗。但如果要防潮，就要用專門嘅吸塵機將其表面灰塵吸淨，係回南天時可用風筒低檔熱風吹沙發，可以有助於去除沙發內嘅濕氣。 

木質傢俱 

實木傢俱如沙發、飯枱、地板等，保養要訣在於保持其光澤，可以用專用清潔劑或保護蠟均勻擦係傢俱表面，輕輕抹便可。如果係人造板材傢俱，如果係封邊唔好或受潮，就容易因吸水，造成傢俱板膨脹或損壞，所以，人造板材嘅傢俱係開始使用時就要做好防水措施，係容易吸水嘅部分加一層防水墊或做好封閉措施。 

金屬類傢俱 

金屬傢俱係潮濕天要用乾燥抹布勤抹，如果出現銹蝕，可用洗碗布或者牙刷沾防銹劑進行刷除，之後再用乾布抹乾便可。 

浴室櫃 

如果無做乾濕分區嘅廁所，浴室櫃嘅面板最好選擇專業防潮面板，係日常特別係春天須非常注意保持其表面乾爽，每次盥洗之後要及時用乾布抹走附係上面嘅水珠。

(以上圖片均來自網路，如有任何版權問題，請與本站聯絡)