2017年人情公價參考

最近，人人都講緊咩579呀、601呀咁，農曆新年過後，又係紅色炸彈旺季，各位嘅荷包又要戰至最後一兵一卒。唔知而家仲有無婚宴場地嘅人情打和價係唔夠601嘅呢？ 

原來都有唔少個喎，以下呢個表就列出一啲大路嘅場地：

(望文生義，人情打和價者，即係一個場地裡面一圍酒席價錢（基本婚宴菜單計埋基本酒水同加一）除返開每個賓客嘅價錢。) 

咦唔係喎，大家都講，人情又加價嘅？的確，當中有唔少離地嘅場地，以下就係全港最離地Top 5：

咁其實，一般人係畀幾多人情嘅呢？你又唔會無端端走去問人地：「你畀幾多人情架？」大家心裡得個估字。嗱嗱嗱，「OiKa 愛家」係最近一季就做咗一個調查，睇下人哋去飲會畀幾多人情，平均為酒店 $983，酒樓 $823。 

擺酒賺蝕價

再抵死啲，睇下新人收咗人情之後賺定蝕？用齊頭數平均人情酒店一千丶酒樓八百，易D睇啦：

雖然最離地嘅場地係最蝕本嘅，但離地嘅人都唔介意蝕架喇，同埋都多咗人逐間search人情打和價，大家都識調節一下架嘞～ 至於大路啲嘅場地，以平均20圍丶每圍12人計算，原來擺一次酒起碼可以賺4萬幾蚊個喎！咁當然啦，所謂賺都只係會計概念黎嘅啫，新人都唔係計呢啲嘢嘅，唔通有人會結十次婚去賺四五十萬首期咩～ 

大家去飲之前，上黎OiKa.hk睇下個別場地嘅人情打和價，就唔洗驚人情畀到579嘞。不過老套D講，人情始終係一份心意啫，唔係金錢可以衡量嘅。