馬嘉均轉行賣魚賺外快

日前馬嘉均(馬仔) 拍攝網台LiveZtyle真人騷，喬妝去街市賣魚體驗生活。馬仔天未光已到街市準備落貨，怎料一開工便出事「倒瀉籮蟹」：「我真係估唔到批海鮮咁重，諗住平時都搬慣樂器應該冇事啦，點知又濕又重就跌一跌，成籮蟹倒瀉晒，執得番幾多得幾多，好在老闆冇叫我賠架」。

馬仔笑言自己平日甚少下廚，劏魚成為開檔做生意的難題：「老闆教左我幾次都叫有個概念，點知班亞太好心急又唔知你拍野，慢少少都比佢地鬧架，今日終於學識要喺街市生存真係要快靚正！」

拍攝後期，隔檔檔主發現馬仔歌手身份，硬拉他去自己檔口做生招牌：「比佢踢爆晒，佢望望下我之叫問我係咪馬嘉均，我一唔為意應左佢就穿晒煲喇，佢拉我去佢檔口同佢班客仔影合照，真係好尷尬！」