(文:艾華)

農曆新年過後,好多打算裝修嘅朋友已經蠢蠢欲動,都紛紛預約裝修佬免費度尺免費出圖報價。但春天氣候俾裝修帶來唔小麻煩,由於回南天潮濕,施工方面都比較棘手,以下裝修佬為大家講解下春天裝修嘅注意事項。


1 室內要乾燥 

回南天空氣濕度大,各類塗漆工程上油漆後唔易乾,嚴重嘅話仲會有發黑發霉情況發生,可以買啲乾燥劑置於室內,或者開冷氣抽濕,務必保持室內乾燥。另外木材方面,比如實木地板、木門、傢俱等,盡可能保持乾燥,否則以後會腐蝕得好犀利。 

 

2 油漆油工難度大 

雨天潮熱,油油漆後乾得慢,而且油漆吸收空氣中嘅水分後,會產生一層霧面,所以雨天施工唔可以打開門窗,而且要開冷氣或抽濕機,提高室內乾燥度。 

 

3 油漆質量要好 

春天木質傢俱等會蒸發啲水分,之後會有輕微裂痕情況出現,所以係春天選擇油漆時候應該選擇優質嘅油漆塗料非常重要,優質油漆塗料可以有效防止出現呢個問題,所以選擇乳膠漆嘅時候唔好單單考慮環保,仲要考慮防霉問題。 

 

4 春季裝修木製品要及時封油   

春天木材容易脆裂,啱裂開可能睇唔出,但如果師傅封油唔及時,好容易形成飾面板外表木皮裂開,而影響咗美觀性及使用壽命。關於用做收邊嘅木線,其含水率比飾面板高,加工完成後,要儘快將外表封油,否則會呈現收縮,影響飾面板外觀。 

 

5 春天裝修木地板唔好忘記伸縮位   

春天空氣濕度高,當師傅鋪木地板時要預留伸縮位,否則日後夏天熱脹冷縮會易鼓起、懸空現象。假如遇到暖氣漏水、木地板上有積水等現象時,必需及時抹乾,唔可以直接係陽光下暴曬或用電爐烘乾,以免枯燥過快,地板裂開,為避免變形,可將牆兩邊地板拆開,待潮氣散完後,再重新裝置。 

 

6 施工時候需要嘅細節 

防潮底漆無得慳,預防回南天潮濕乳膠漆脫落。 

做防水時候要保持地面乾燥,防潮層要鋪好,防水完成要試驗24小時以上。 

唔好為咗乾燥室內就唔通風,適當時候室內開門開窗通風一段時間,等有害氣體流出,然後關閉門窗打開冷氣抽濕。

 

(以上圖片均來自網路,如有任何版權問題,請與本站聯絡)


 【裝修佬話你知】又到潮濕天!春天裝修的6大注意事項

 https://www.facebook.com/hkdecoman