【裝修佬話你知】用就用得多～真皮沙發知識，你又知多少？

（文：呀J）

現時真皮材料用途廣泛，細至銀包皮鞋，大至沙發等，而真皮具有透氣、柔軟性好、經久耐用等好處，因而用來製成座椅，坐落非常舒服，並非其他材質可以媲美。真皮就聽得多啦，你又對佢有幾深嘅認識呢？裝修佬話你知。

皮革類型唔同，其特點同用途亦各不相同，例如牛皮革光潔細膩，紋理清晰，色澤柔和，厚薄均勻，皮張較大、強度高、耐磨最適宜製作皮鞋、沙發，羊皮革輕，薄而軟，係皮革服裝、手袋嘅理想面料。

豬皮 

豬皮表面嘅毛孔圓而粗大，較傾斜伸入革內，毛孔嘅排列為三個一組，革面呈現許多細三角形圖案，透氣透水性能好。 

牛皮 

黃牛皮同水牛皮都稱為牛皮，但兩者有一定嘅差別，黃牛皮表面毛孔呈圓形，較直地伸入皮內，毛孔緊密而均勻，排列不規則，好似滿天星斗。水牛皮表面毛孔比黃牛皮粗大，毛孔數較黃牛皮稀少，皮質較鬆弛，不如黃水皮細緻豐滿。 

馬皮 

馬皮表面毛孔呈橢圓形，比黃牛皮毛孔稍大，排列較有規規律。

羊皮

羊皮粒面毛孔扁圓，毛孔較細，皮面較細，紋路有規律，手感柔韌，幾個組成一組，排列呈魚鱗狀。

按皮嘅層次分，有頭層及二層皮，其中頭層皮全粒面皮革、光面牛皮及壓花牛皮等，二層皮又分豬二層及牛二層革等。 

全粒面皮 

佢由上等原料皮加工而成，傷殘較少，皮面上保留完好天然狀態，塗層薄，展現出皮嘅自然花紋，耐磨、透氣性好，拒絕太多化學藥劑，因而皮表可以清晰見到細密緊緻毛孔，透氣性極佳。 

光面牛皮 

表面平坦光滑無毛孔及皮紋，製作中表層粒面做輕微磨面修飾，係皮革上面噴塗一層有色樹脂，掩蓋皮革表面紋路，再噴塗水性光透樹脂，所以係一種高檔皮革。 

壓花牛皮 

用帶有圖案嘅花板係皮革表面進行加溫壓制各種圖案，成一種風格嘅皮革，例如現時流行嘅荔枝紋牛皮，就係利用一塊帶有荔枝紋圖案嘅花板，名稱隨之稱荔枝紋牛皮。 

二層皮 

二層皮係牛皮嘅第二層皮料，係厚皮用片皮機剖層而得，經過塗飾或貼膜等系列工序製成二層皮，再係表面塗上一層PU樹脂，所以亦稱貼膜牛皮，其價格較實惠，利用率高，隨工藝嘅變化製成各種檔次的品種。佢嘅耐磨性較差，傷痕及虻眼較多，需要經過適度打磨先可以作為沙發用皮。

（以上圖片均來自網路，如有任何版權問題，請與本站聯絡）