(文:康少)

金箔傢俱係傳統工藝,而且歷史悠久,唔單止從視覺上增加傢俱美感,亦令傢俱檔次大大提升,俾人奢華質感,一般多見於商場、酒店等高級娛樂場所。金箔傢俱奢華高檔,當然係日常生活中要格外注意保養,以下裝修佬同大家分享金箔傢俱相關知識及保養方法。

金箔傢俱特點 

金箔傢俱因為有咗黃金裝飾,顯得金碧輝煌,光彩照人,特別有華麗感覺。係色彩上可令傢俱顯得莊嚴大氣,同時增加傢俱金屬質感,係風格上,金箔傢俱往往採用古典風格,主要為中式古典同法式貴族風格。結構精良,可以將家居粉飾得大方得體外又不失富麗堂皇嘅一面,處處盡顯用者高貴品味。 

金箔傢俱應用 

大面積用金箔工藝嘅金箔傢俱並唔少見,但現代金箔傢俱嘅貼金箔工藝主要用係傢俱嘅局部裝飾上,以精巧細緻嘅美感對整件傢俱以起到畫龍點睛作用。一般家庭擺放一兩件金箔傢俱肯定唔會達到皇宮般金碧輝煌效果,但卻可以令空間有一個吸引人嘅亮點,如果可以適當搭配一啲古典裝飾同傢俱,必然可以令家居與眾不同。  

保養方法   

金箔傢俱要避免接觸化學物,帶有化學成分嘅液體清潔劑唔可以用於金箔傢俱嘅保養、清潔。

金箔傢俱唔能夠接觸水,因為傳統貼金箔工藝所採用嘅膠水同清漆都可能易溶於水,水會導致金箔傢俱表面金箔脫落,也唔可以用帶水毛巾清潔金箔傢俱,可用質地柔軟毛刷清潔灰塵。   

忌用硬度高、鋒利物品對金箔傢俱進行清潔,咁樣容易將金箔傢俱表面清漆保護層劃落,令金箔直接暴露係空氣中,容易造成氧化變色、金箔脫落等現象,正確嘅清潔金箔傢俱方法係用柔軟乾毛巾或軟毛刷清潔金箔傢俱表面。   

汗水會容易令金箔氧化變黑,手有汗時儘量唔好觸摸貼金箔嘅地方,以免金箔氧化。 

裝修佬溫馨提示 

當金箔產品有細小碰傷或細面積金箔脫落時,唔好用指甲或硬物刮,以免破壞處擴大,應儘快搵專業師傅修補並油保護漆。金箔產品屬於精緻產品,係需要搬動時,應用質地柔軟嘅保護墊放置係金箔處以防止金箔意外碰傷。應避免陽光直射,避免保護漆漆面被氧化而影響傢俱美觀。

(以上圖片均來自網路,如有任何版權問題,請與本站聯絡)


 【裝修佬話你知】為家居增添貴氣!金箔傢俱知多少

 https://www.facebook.com/hkdecoman