【裝修風水學】小心別犯！廚房的10大風水禁忌

（文： 巨龍）

俗語有話「民以食為天」，廚房係烹飪膳食嘅地方，亦係掌管屋企人身體健康嘅重要位置，所以廚房係家居風水當中佔據地位不容忽視，究竟廚房風水有啲咩需要注意呢？裝修佬話你知。

1. 灶忌門路直沖 

中國傳統風水觀念中，認為廚房灶台係一家煮食養命之處，故不宜太暴露，尤其係不適宜被門路所帶引入來嘅外氣直沖。 

2. 忌喺屋中間 

廚房屬火，若設喺屋中間位置，就等如火燒心臟，屋企人嘅健康會容易受到影響。廚房當然宜設於吉位，但若未經風水師傅勘察而不知吉位所在，較妥當方法係設於靠喺住宅角落，即大門旁邊位置。 

3. 不宜貼近睡房 

灶生火熱，因煎炒時產生嘅油煙對人體不宜，故爐灶正向房門固然不吉，尤其係睡房更唔適宜，而且甚為燥熱，不宜同房門正對，否則會對房中人不利。 

4. 避免水火相沖 

灶位避免緊靠碗盆，爐灶屬火，而洗碗盆屬水，故兩者不宜太接近，更忌爐灶夾喺兩水之間，例如洗衣機同洗碗盆之間。 

5. 灶忌背後空曠 

灶宜背後靠牆，不宜空曠，倘若背後係透明玻璃屬不吉，因為咁正如古書所雲：凡灶，忌窗光射之，主凶。

6. 忌爐灶安喺水道上 

爐灶屬火，而水道乃排水之物，水火不容，故此兩者不宜太接近，倘若爐灶安放喺水道上則屬不吉。 

7. 灶忌橫樑壓頂 

風水學上有橫樑壓頂唔吉利嘅講法，睡床或櫈上方有橫樑壓頂固然不吉，而灶台上有橫樑壓頂更不適宜，對健康有損。 

8. 不宜尖角沖射 

風水學認為尖角鋒利，容易造成損害，故對於尖角沖射相當忌諱，而爐灶係一家煮食所在，倘若受到尖角沖射，會對屋企人健康有損。 

9. 不宜斜陽照射 

喺風水學來講，廚房向西，特別係煮食嘅爐灶受西陽照射，屬不吉。 

10. 忌與廁所相對 

爐灶係煮食地方，故應該講究衛生，否則會病從口入，損害身體健康，而廁所藏有污物及細菌，故不宜臨近廁所，尤其爐口不可同坐廁相對。

(以上圖片均來自網路，如有任何版權問題，請與本站聯絡)