【裝修佬話你知】去除衣物油漆的技巧

（文：呀J）

如果係裝修或者係做手作嘅時候，唔小心將油漆滴咗係件衫度嘅時候，點算好？簡直係著之無癮，棄之可惜。首先你要冷靜，頭腦要清晰，其實去除嘅方法有幾種，究竟係點呢？裝修佬話你知。

首先區別油漆是否水溶，來選擇合適嘅清潔方法。如果可溶水直接用水一洗便可，如果係非水溶性質嘅方法亦好簡單，用清涼油擦係油漆部位，可以溶解衣物上嘅一般油漆，之後用水清洗即可。如果係尼龍布料嘅特殊面料，可以用豬油擦洗，然後用洗衣粉清洗就可去除。 

如果油漆污漬已經乾咗，可以先將衣物放係熱水度煮20分鐘，係熱水度加上梳打粉同石灰，然後用洗衣粉清洗乾淨，一般油漆就會自然脫落，但如果係深色衫，就會有機會甩色。 

如果整喺衣物上嘅油漆仲未乾的話，可以先用煤油或汽油係油漆上反復摩擦，之後用醋反復擦洗，最後用清水沖洗。 

如果屋企有橄欖油，先擦係油漆位置搓幾下，然後將衣物擺係橄欖油度浸一陣，最後清洗乾淨便可。 

仲有一個簡單方便嘅方法，可以係油漆污漬嘅地方擦清涼油，反復多次擦幾次，等幾分鐘過咗再用布摩擦，然後沖洗乾淨，污漬便可祛除。

(以上圖片均來自網路，如有任何版權問題，請與本站聯絡)