【緊急】傢俱浸水點算好？7大要點你要知！

（文： 呀J）

出去唔記得關窗，又或者水喉漏水等問題禍及屋企傢俱被水浸嘅時候點算好呢？傢俱浸水後要首先淡定，千祈唔好擰到太陽底下暴曬來解決問題，再按照正確步驟一步步來，做好養護維修工作就可以照樣使用。究竟要點做呢？裝修佬話你知。

1. 木質傢俱浸水後容易發黴變軟，如果浸濕位置唔嚴重可以拎到室外晾一晚，係朝早太陽出來前收返埋便可。如果浸濕位置嚴重嘅話，要即時用乾布抹乾水分，再用風筒吹乾，最後放係室外晾一晚第二日拎返便可。 

2. 浸水傢俱最好採用自然風乾嘅方式，再唔係開除濕機又得，將傢俱水分完全蒸發掉，至少先回復到乾嘅狀態，如果唔係放耐咗，內部有可能發霉。 

3. 切忌拎到太陽底下曝曬，一般嘅木質傢俱曬後會產生熱脹冷縮嘅現象，有啲地方會因而龜裂、變形，表面會更加殘破不堪，況且傢俱嘅結構已經破壞掉咗，支撐力大不如從前。 

4. 將傢俱風乾之後，如果表面有損傷、刮傷，可以補啲顏色相同嘅油漆，或可以擦亮光漆，可以多一層保護。傢俱專業嘅保養漆對木質保養、防霉、防蟲蛀有意想不到嘅效果。 

5. 金屬傢俱係受潮或被水浸後，應首先檢查油漆脫落部分嘅生鏽情況，如果生鏽情況唔嚴重，可先用牙刷加防鏽劑輕輕將鏽跡處理乾淨，如果情況比較嚴重，可以使用砂紙清理，等露出明亮嘅金屬層後，用乾布抹乾淨再油防鏽漆便可。 

6. 皮質沙發係入水或受潮後可以先用除霉劑清除霉點，再用皮革油擦係表面，保養時切忌乾燥，咁樣會令皮革變脆，喪失柔軟度同美觀。

7. 布藝沙發如果入水或受潮嘅面積唔大，可用洗潔精或其他清洗劑處理，然後用風筒吹乾便可。

(以上圖片均來自網路，如有任何版權問題，請與本站聯絡)