(文:呀J)

好多朋友係裝修嘅時候都會選擇淺色傢俱,因為可以令室內增添光感,增強視覺效果,而且俾人舒適美觀嘅感覺。淺色傢俱雖好,但就特別容易整污糟,確實令人又愛又恨,以下裝修佬同大家介紹幾種淺色傢俱嘅去污竅門。

 

白醋 

用白醋同熱水以1:1比例混合來抹傢俱表面污漬,如果污漬較難清除,可以等醋水稍微停留係污漬表面,然後再用布用力摩擦,醋酸能夠軟化污垢脫離傢俱表面,油墨蹟污染後傢俱尤其適用。 

 

啤酒 

將淡色啤酒煮滾,加入小許糖同蜂蠟,攪拌均勻後等冷卻,然後用布沾取抹木器,等污漬抹乾淨後再用清水把殘留物清除乾淨,最後用乾抹布抹乾。 

 

檸檬 

清漆木器如果唔小心被熱力燙過留低燙痕,可以先用檸檬切片,或用檸檬汁滴係抹布抹,跟住再用浸過熱水嘅軟布抹,最後再用幹布抹乾即可恢復煥然一新。 

 

茶水 

油完漆嘅傢俱沾染咗灰塵,可用紗布包住略濕嘅茶葉渣抹,或用乾布沾凍茶水抹,可以令傢俱特別光潔明亮。但係用茶水抹傢俱後,記得要過水,因為茶水通常會有茶漬,殘留係油漆表面會影響傢俱原先色澤。 

 

牛奶 

用一塊乾淨抹布放係牛奶度浸下,然後用來抹枱櫈等木制傢俱,去除污垢效果唔錯,最後記得再用清水抹一次,否則會殘留奶臭味,呢個方法適用於皮質、漆面、大理石等傢俱。 

 

牙膏 

傢俱表面嘅白色油漆,日子一耐會泛黃,影響美觀。可以用抹布沾牙膏或牙粉輕輕敷係上面,利用牙膏嘅漂白作用,傢俱油漆顏色就可由黃轉白,但摩擦時切忌用力,因為牙膏牙粉嘅摩擦劑會將油漆磨走,損傷傢俱表面。 

 

蛋清 

白色皮沙發總會有幾處污垢特別難清除,可以用抹布沾適量蛋清,反復抹皮沙發等皮革製品表面較污糟嘅地方,抹完後仲好似打蠟咁立立令。

 

(以上圖片均來自網路,如有任何版權問題,請與本站聯絡)


 【裝修佬話你知】淺色傢俱去污有竅門

 https://www.facebook.com/hkdecoman