【裝修風水學】8大新年風水知多啲！

（文： 巨龍）

新嘅一年裝修佬全體同仁祝大家新年快樂！身體健康！事事順利！新年係辭舊迎新嘅時候，個個都想去除晦氣，有個好嘅開端，我地可以藉助家居風水來改變運程。以下裝修佬同大家分享新年家居風水。

1. 貼對聯旺運氣 

自古以來，都有過年貼對聯嘅習俗，寓意新嘅一年有好運勢，亦有助於旺財氣。係風水上來講，新年貼對聯，木火相生，火土相生，會助旺氣場，對健康、事業、婚姻、小朋友讀書都頗有幫助。 

2. 清水旺財運 

係屋企中心正北方位擺放兩盆清水，可以形成招財氣場，招旺財運，新嘅一年財上有意外收穫。 

3. 擺放金蟾招財運 

係屋企正東方位置擺放一隻金蟾蜍裝飾，新一年財源滾滾來，金蟾要選擇只有三隻腳，背北斗七星，嘴咬著銅錢，頭頂太極兩儀，腳踏元寶，元寶寫著各種有關錢財嘅祝福語，可以有利於生財旺運。 

4. 植物擺放有講究 

新年好多朋友鐘意添置綠色植物裝飾喜慶氛圍，其實植物嘅擺放係有講究架。植物五行屬木，唔可以擺係相克或克制吉星嘅方位上，東北，西北呢二個方位係最唔適合擺植物， 會影響財運。窗臺栽種綠色植物盆栽有化煞作用，可以用射燈射窗臺植物，有招財效力。如果怕植物招蚊蟲，可以改為放置一對黑白象，有同樣效果，但象鼻一定要向下，咁樣先有吸財之效。 

5. 客廳不宜掛意境蕭條圖畫 

所謂意境蕭條圖畫，大致包括驚濤駭浪、落葉蕭瑟、夕陽殘照、孤身荒野、惡獸相搏等幾類圖畫，有D朋友借住新年想同屋企煥然一番，將新圖畫掛係牆上，其實從風水角度來講並唔適合，如果觸目所及係兇狠和淒涼景象，那麼居住在內，心情自然會大受影響。 

6. 電器擺放注意方位 

新年前將屋企擺設大改動時要小心，電視或冷氣機不應設置於五黃位，咁樣會對屋內人丁健康有影響，受損財運自然不利。如果無法改變家俬擺放位置，或者唔清楚屋內方位，可放金屬或銅器物品係電視或冷氣機處化解。雪櫃洗衣機唔好對著煮食爐頭，否則會影響屋內人腸胃及財運，睡房內電視及冷氣機亦唔應該對著床頭。 

7. 陽光充足空氣順暢 

想要室內風水好，陽光一定要充足室內空氣要流通。陽光房屋先會帶來吉祥瑞氣，氣流代表財運運轉，室內空氣要流通暢順先會財運亨通。家居不宜用太厚布料嘅窗簾，因為會阻擋陽光，阻擋吉祥瑞氣，當然唔可以太薄，否則形成光煞了。另外，係開窗後，外面吹入屋嘅風不宜太大，要以和緩柔風為最佳。 

8. 廚房廁所衛生要做足 

新年清潔中，廚房廁所嘅尾數係成個房屋打掃中嘅重中之重，呢兩個空間，各自所代表嘅風水效果對成個家庭影響相當之大，需要各自特別對待，清潔情況對於風水影響甚大。

(以上圖片均來自網路，如有任何版權問題，請與本站聯絡)