敏感、粉刺、黃斑都關佢事！家居除螨要留意5個要點～

（文：呀J）

螨蟲來講呢，相信大家都好熟悉，佢地嘅存在會令毛脂器官堵塞、毛孔粗大、毛髮脫落、加速黃褐斑、雀斑、黑斑色素沉著、粉刺、痘疤、痤瘡、角質變厚，形成凹凸皮膚、濕疹等。 螨蟲無處不在，唔想同螨蟲做朋友嘅就睇以下裝修佬同大家分享嘅除螨蟲方法。

1. 唔鋪地氈 

如果一定要用，應該每個禮拜用吸塵吸一次，而且要經常更換吸塵器嘅袋，切忌用蒸汽清潔地氈，咁樣會殘留水分，反而促進蟎蟲生長，窗簾或遮光簾可以換成百葉窗，家庭裝飾織物應換為乙烯樹脂或皮革墊，或用木製傢俱。 

2. 冷凍物品 

毛絨玩具或小件物品等，應該係零下17~20℃嘅環境中冷凍24小時，隨後再進一步清洗，可以有效殺死蟎蟲。 

3. 降低相對濕度 

蟎蟲嘅生存條件為20—30℃，相對濕度係62%—80%，使用抽濕機同冷氣機，將相對濕度控制係50%以下，可以有效減少蟎蟲繁殖。 每個禮拜用55℃嘅熱水清洗床上用品 係25℃嘅條件下，用普通洗衣粉洗5分鐘，可以去除絕大多數蟎蟲，如果溫度高於55℃、持續10分鐘，可殺死所有蟎蟲。 

4. 用防蟎材料床褥、枕頭 

容易過敏嘅人買新床褥後，唔好撕去外面包裝膜，咁樣可以減少過敏。或用蕎麥皮枕頭，每2~3個月就將蕎麥皮取出，用滾水燙過，再清洗，清洗後再放到太陽下曝曬，咁樣就可以大大減少蟎蟲困擾。 

5. 做好通風工作

蟎蟲鐘意潮濕、高溫以及有棉麻織物或又塵土嘅環境，所以，消滅蟎蟲嘅最佳武器就係乾燥同通風，想徹底防治居室內蟎蟲，一定要經常打開門窗，保持通風、透光，夏天用冷氣時要注意室內通風透氣。 洗、燙、曬 都可有效除蟎 蟎蟲怕熱，55℃以上10分鐘可殺死蟎蟲，60℃兩三分鐘可殺死蟎蟲，100℃可以令所有同蟎蟲相關嘅變應原蛋白變性，用熱水燙洗、曝曬、熨斗等方法可殺蟎蟲。

裝修佬溫馨提示 

螨蟲無處不在，想要完全無螨蟲基本無可能，但我地可以採取方法，例如採用藥物防治，常用殺蟎劑有苯甲酸苄酯、尼帕淨、蟲蟎磷等，但用殺蟎藥物時一定要認真閱讀說明書，掌握好濃度、用量、使用方法，以防對人的安全健康帶來負面影響。另外，還要注意減少房間濕度，可抑制塵蟎繁殖，當空氣相對濕度低於70%時，蟲卵發育至成蟲嘅時間可延長5個星期左右，相對濕度降至50%以下時，可導致蟎蟲脫水、死亡。

(以上圖片均來自網路，如有任何版權問題，請與本站聯絡)