【裝修佬話你知】滅蟲、止痛等等等！可樂的8個另類用途

（文： 康少）

可樂相信對大家來講都非常熟悉，可樂含有咖啡因可以緩解疲勞、開胃助食，解渴解酒、利尿除濕、緩解便秘、防止心血管疾病、預防膽結石等好處，但當然要適當飲用，唔可以過量。

其實可樂唔單止可以用來飲，佢仲有好多另類用途架！究竟系點？裝修佬話你知。

1. 滅蟲 

係碟度倒小小可樂，然後將佢放係花園中蟲經常出沒嘅地方附近,鼻涕蟲、蝸牛等爬入去就出唔返，節省殺蟲劑費用，仲可以將用過嘅可樂淋酸性土壤植物，比如杜鵑、梔子。

2. 潔窗 

可樂中嘅檸檬酸係清洗窗嘅好助手，對經常受頑固油膩物積累影響嘅窗特別有用，首先係窗倒一罐可樂，靜置10分鐘然後用乾布抹一次，再用濕布多次便可。

3. 除鐵鏽 

可樂係鐵銹嘅天敵，只需將需要去除鐵鏽嘅物品係可樂度浸泡一晚，第二日再清洗乾淨便可，亦可以係有鏽斑嘅鍍鉻物表面塗一層可樂，再倒小小落砂布，然後轉圈打磨，即可除鏽。 

4. 止痛 

可樂嘅化學成分對水母蜇傷有好強嘅止痛效果，只要將可樂倒係被蜇位置，然後就會感覺到疼痛減輕。 

5. 鍋底除黑 

鍋底出現薄嘅黑色物質，係由於過度烹煮或高酸性食品所引起嘅變色，會好難清洗，為咗消除頑固黑斑，恢復原鍋新貌，你只需要一罐可樂，倒係鍋度然後細火煲半個鐘再清洗乾淨便可。 

6. 治療疾病 

可樂對多種疾病有效，最常用係緩解反胃，慢慢飲完一杯可樂，對緩解反胃有很大幫助，如果出現腹瀉、喉嚨痛症狀，可樂亦有唔錯嘅療效。 

7. 潔廁 

可樂中有酸性成分，可以清除馬桶污垢，將一罐可樂倒係馬桶入面靜置一晚，第二日起身清洗一次便可。

8. 去除茶漬

茶壺中有茶漬嘅時候可以用可樂浸泡，放一日左右，就可以去除茶壺內部茶漬。

(以上圖片均來自網路，如有任何版權問題，請與本站聯絡)