【裝修佬話你知】其實屋企都需要排毒？！

屋企需要排毒？此話何解呢？

其實，我地身邊嘅物品會有肉眼不可見嘅物質釋放，簡接及直接咁影響人體健康，日常生活當中，除咗勤打掃衛生、開窗通風外，仲有好多其他方面需要注意架！

究竟係點？裝修佬話你知。

（文：呀J）

客廳 

電器要經常除塵，唔用時關閉電源，以減少其產生電磁輻射。另外，大多數地氈都係用防霉殺蟲劑處理過，含有一定嘅化學物質，應經常清潔，以防地氈滋生有害物。

廚房 

炒餸時產生嘅油煙，使用煤氣時造成嘅空氣污染，都係一定程度上存在令人致癌嘅可能。係炒菜時，除咗儘量用抽油煙機，打開窗，將有害物質釋放到室外，應有意識地做必要防護，如少油炸食品，炒餸時關閉廚房門，以免油煙進入其他房間。另外，廚房檯面石材、餐具，特別係有彩繪嘅塑膠餐具，以及油漆筷子都有可能釋放有毒物質，需謹慎選擇合格產品，儘量少用。 

廁所 

廁所用清潔劑、消毒劑，都會含有有害物質，有啲清洗劑仲含有刺激性化學成分，唔單止氣味刺鼻，仲有較強腐蝕性，所以，用呢啲清潔用品時，應該開窗通風，最好戴手套，避免濺到皮膚同眼睛，平時要放置係小朋友接觸唔到嘅位置。 

睡房 

據研究數據調查發現，壓縮木質傢俱係甲醛嘅一大源頭，新傢俱一定要係通風處放置一段時間先可使用，平時亦要減少係睡房擺放傢俱數量，電器最好唔擺睡房。 

植物 

植物可以起到淨化空氣作用，仲可以美化家居環境，但有啲盆栽會含有害物質，可能造成人體不適。比如，夜來香等香氣過於濃郁嘅花卉，會刺激嗅覺導致不適，而鬱金香含有毒鹼，過多接觸易導致中毒反應，一品紅又名聖誕花，全株有毒，莖葉中嘅汁液會刺激皮膚紅腫，引起過敏等不良後果。

(以上圖片均來自網路，如有任何版權問題，請與本站聯絡)