【裝修佬話你知】冬天必知！如何清洗髒髒的電熱氈？

電熱氈可謂係冬天瞓覺恩物，暖粒粒嘅床鋪令我地更易入睡，營造優質睡眠環境。

但電熱氈用耐咗難免會污糟，咁污糟咗嘅電熱氈又應該點算好呢？電熱氈可唔可以水洗呢？以下裝修佬話你知電熱氈嘅清潔方法。

（文: 康少）

一般說講，電熱氈係不宜水洗，但如果電熱氈實在太污糟，可採用下列方法處理。 　　

首先，電熱氈只可以用手搓洗，用手搓洗前，要先將電熱氈面放係清水中浸一陣，但唔可以將電熱氈自身嘅開關、插頭、調溫器浸係水中，要儘量避免濕水。 　　

經浸水後，電熱氈平放係乾淨地方，清洗時，沾番梘水或洗衣粉要順著電熱線嘅方向，污漬比較嚴重嘅位置，可多洗多幾次，注意要輕輕用手搓洗，搓時儘量避開電線。清洗完後，千祈唔用手擰，亦唔可以係洗衣機脫水甩乾，應將電熱氈面鋪平用力將水逼出來，將折曲嘅部位舒展開，恢復原本形狀。 　　

最後，平攤著掛係陰涼通風處晾乾，係晾嘅過程中要注意電熱氈形狀，如果有變形，要及時糾正。 　　

裝修佬溫馨提示 

水洗電熱氈係因為太污糟逼不得已先咁做，水洗電熱氈對電性能係會有影響，為咗避免整污糟電熱氈，平常使用時應係電熱氈鋪床單，唔好直瞓係電熱氈上面。 　　電熱氈保養注意事項 　　

電熱氈面料多數係紡織品製作而成，為咗防止受潮發霉，收藏前要晾乾，再放到陰涼乾燥處保存，唔可以放係靠近熱源嘅地方，以防發熱元件絕緣層老化。 　　

收藏時可將電熱氈卷起或折疊，放係較寬鬆嘅地方，唔好係上面堆壓重物，切忌同尖利器械放一齊。 　　

電熱氈有啲部件為化工製品，收藏時唔好放樟腦丸之類物品，以免加速塑膠件老化，為咗防潮，可係電熱氈內放些乾燥劑。

(以上圖片均來自網路，如有任何版權問題，請與本站聯絡)