早婚定遲婚好？嚟自唔同背景嘅女士應該都會有唔同嘅界線，但其實對於結婚嘅年齡，科學界又有冇清晰嘅定義，曾經推算出現代女性最應該喺幾多歲結婚嘅呢？
為咗睇下女性最適合結婚嘅年齡究竟係幾多歲，外國認知科學家Tom Griffiths及學者Brian Christian最近就進行左一項名為《生活的算術：人類決斷行為的電腦科學》研究，並以機率及博弈論上稱為「秘書問題」（Secretary problem）嘅方法推算出結果。
▼外國研究推算出，女性最適合結婚嘅年齡係26歲。
根據「秘書問題」推論，最佳嘅決定通常都會因為受到時間，以及過多選項所限，所以一般最佳選項都會喺篩選走37%之後先至會出現。所以將同一理論應用到搵出女士最佳結婚年齡之後，科學家就發現當女性年齡介乎18至40歲嘅時候，26歲就會係22年間篩選走37%選項嘅界限，所以呢個年齡所遇到嘅伴侶就會係最為適合，而過左26歲之後先搵，搵到最適合你嘅另一半機會就會難好多。
此外，猶他州大學社會學家Nicholas H. Wolfinger亦都發現，喺28至32歲結婚嘅女性離婚機率則會較低。
所以假如你喺26歲搵到適合自己嘅對象，或者你就可以花多兩三年好好認識對方之後先至結婚，咁你地白頭到老嘅機會都會比其他人高啲架！
