一個平凡小市民要去旅行,好多時都會計過度過,識得挑選最抵嘅廉航經濟客位,然後將剩餘Budget留待餘下行程消費。誰不知為左去旅行搭飛機時舒服一啲,台灣竟然就有人扮自己有幽閉恐懼症而去呃機組人員幫佢地升級!網友聽到之後喇喎?當然係嬲到震,大鬧嗰幾位團友係台灣之恥啦!

▼ 一位台灣領隊喺Facebook專頁分享,話帶團嘅時候遇著有團員扮幽閉恐懼症,呃機組人員幫佢Upgrade做商務客位。

根據匿名領隊爆料,呢幾位團友一上機之後,佢地就突然好似情緒失常咁,顯得非常慌張。當空姐過嚟了解完過後,呢幾位突然失常嘅團員就即時獲機組人員升級,安排去左坐商務客位,而且就連回程都有將會相同待遇。見到呢幾位團友搭飛機時咁驚恐,好似患有幽閉恐懼症咁,作為旅行團團長嘅匿名領隊沿途當然就會特別注意佢地啦!

誰不知喺旅程完結番到台灣後,打個電話問候團友嘅匿名領隊得到嘅回覆竟然係對方一直扮病,以博取升級坐商務客位!更離譜嘅係呢位團友仲好自豪咁介紹,自己同朋友次次出門都會咁做,仲話自己搭過長榮、華航、國泰三家航空公司,試過6次6次都成功。

面對團友突如其來嘅真情剖白,替航空業從業員覺得不值嘅領隊就決定要將其惡行公諸於世,而網友亦都喺知道事情後,覺得呢幾位團友嘅行為卑劣,簡直係台灣之恥。

▼台灣網友狠評:

對於有人竟然會用人地嘅同情心佔便宜,網友都覺得佢地終有一日會有報應,認為做得出咁嘅事嘅人會喺其他地方損失更多。

資料來源:Facebook專頁-靠北旅遊業
封面圖片:skymed