裝修佬話你知：慳石油氣竅門 (康少)

石油氣每個家庭都會用到，但每到石油氣單寄過來嘅時候就會覺得非常肉赤，現時物價高漲，當然係想慳得就慳架啦！

石油氣唔平，相信每個家庭主婦都想知減少石油氣費嘅方法，究竟石油氣可以點慳？裝修佬話你知。

1. 採用薄鐵炊具，盡可能使用底面較大嘅鍋、壺。 　　

2. 要保持通風環境，如出現黃火或冒黑煙，應調整風門加大進氣量，直到火焰變成藍色。 　　

3. 經常檢查石油氣管道同用具是否完好，一旦發覺有漏氣異常現象，要立即處理。 　　

4. 每當點火時候，石油氣同灶具嘅開關不必開足，只要炊具下嘅火焰長度適中即可，開足只會無謂咁消耗石油氣。 　　

5. 煮飯之前應先將鍋、壺等表面嘅水漬抹乾，並經常清除水壺中嘅水垢，咁樣可以令熱能儘快傳入鍋度。 　

6. 用鍋烹飪食物或用水壺煲水時，要根據鍋底面積大細同火力大細嘅需要，隨時調節火焰，唔好超出鍋底面積，以減少熱量損耗。 　　

7. 火焰大細要調節，炒餸、蒸野等用宜大火，煲湯、煎魚等宜用小火，使用中該停火就停火，切忌一開就燒到底。 　　

8. 由於風嘅影響，令火焰向一邊或左右搖擺不定，因熱量擴散，會浪費石油氣，又影響燃燒，可用薄鐵皮做一個擋風圈，罩係鍋架外面，咁樣熱力就會集中，可節省石油氣。 　　

9. 儘量用高壓鍋，高壓鍋可以大大減少食物嘅營養成分流失，最重要係可以慳石油氣。 　　

10. 石油氣氣灶面要保持清潔、經常清洗，灶嘅火眼容易被飯餸菜汁或雜物堵塞，要經常抹去污水，再用細鐵絲疏火眼，倒出污物，令石油氣暢通。

(以上圖片均來自網路，如有任何版權問題，請與本站聯絡)