生活壓力逼人，最理想當然就係去旅行放鬆一下。但對於一個平凡嘅打工仔嚟講，就算抽到假去旅行，但從錢銀角度嚟講又談何容易呢？其實要去外國旅行，諗深一層又未必一定係駛好多錢嘅。只要你識得從以下4大方面精打細算，窮遊都可以好有樂趣，仲可以幫你慳番一筆添呀！
1. 留意積分、飛行里數優惠
去旅行最花錢嘅，一般都係交通以及住宿費用，所以第一時間要慳嘅當然就係呢兩樣。近期喺旅遊心得上，唔少人都會選擇以一種叫做「旅遊Hacking」嘅手法，選擇從信用卡、網上購物積分，以及累積飛行里數賺取交通以及住宿費用。如果你夠精明，有時候就連五星級酒店都可以負擔得起，而毋須同人爭崩頭。
2. 學習當地人生活
唔需要去得多旅行都會知道，旅遊區因為係主要接待遊客，賣嘅野都必定會比出面貴。因此要慳番啲錢，去到異地最緊要就係要留意番當地人去開邊啲餐廳、超市等，咁搵食、買野都自然會平好多，而且仲能夠令你真正體驗當地生活添！
3. 查清楚最平嘅交通工具
旅遊穿梭唔同景點，就需要乘搭唔同嘅交通工具。但其實喺好多交通工具，特別係火車鐵路上，只要你肯花多少少時間發掘一下鐵道公司網頁，花費就能夠平一大截！例如喺英國當地，懂得選擇唔同嘅列車公司以及唔同時段，就可以慳番一大舊錢。此外如果你係同一大班朋友去嘅話，自駕遊更加係慳上慳，絕對係外遊交通首選。
4. 選擇去較平嘅國家
（圖片來源：edreams）
喺計畫行程嘅時候，其實未必一定要去當地最大最出名嘅城市，例如去日本未必要去東京，去英國未必一定要去倫敦等。避開大城市或者較為熱門嘅國家之後，大家自然支出都會無咁貴，而且更加能夠享受其他人較少體驗到嘅旅遊樂趣。
圖片來源：Tumblr
