裝修佬話你知：秋冬轉季衣物收納技巧(二) (呀J)

相信每個朋友都會有衣櫃空間位置唔夠用呢個煩惱，特別如果你係個貪靚嘅人。

其實，衣櫃你係咪真係識得用？收納技巧你又識得幾多？

以下裝修佬為你解決困擾多年嘅問題，唔需要換大樓同大衣櫃，通過整理同科學收納，輕鬆解決衣櫃唔夠用呢個難題。

無櫃門嘅衣櫃要分區收納 

無櫃門嘅開放式衣櫥櫃，需要分區收納先可以避免雜亂嘅視覺感，衣物掛架收納冬季大䄛、格仔擱板收納易皺襯衫等，令收納一目了然嘅同時亦不乏美感。 

盡用衣櫃每吋空間 

不規則獨立衣帽間，可以採取多種收納方法，掛杆、儲物櫃、儲物盒、收納筐等通通可以派上用場，可以係衣櫃入面加張櫈，換衫或查找高處嘅物品方便。 使用頻率唔高嘅衣物收埋 衣櫃內部剩餘空間，可設置一個櫃桶或者係分割盒，放置底衫褲、頸巾、皮帶、領呔等比較零碎但每日要用嘅物件，一目了然，方便取用。

創意衣物收納 

對於細面積單位，收納空間利用需要更合理，例如係屋企玄關隔離牆面空間創造出收納區域，利用靚掛物架收納臨時穿著嘅衣帽同手袋，仲可以加放隔板收納經常需要更換嘅手袋。露台兩邊嘅牆面或者靠近落地門嘅牆面都係隱秘可以利用嘅空間，用隔板或者板架做出幾個簡單嘅儲物位置，可以用來放置拖鞋等經常使用嘅零碎物件。

地台床收納 

如果屋企有地台床會令你收納更得心應手，隱藏式嘅大床用來收納棉被、衣物、鞋、書籍等綽綽有餘，換季收納更輕鬆。 

收納型沙發 

係客廳擺放一張可收納型嘅沙發，沙發下面可以存放日用品，換季衣物輕鬆收納其中，有利於保持客廳整齊乾淨。 

裝修佬溫馨提示 

收納衣物前最好清洗曬後令衣物保持乾燥，很多衣物表面上望落好乾淨，其實已經沾染咗汗漬、污漬或者灰塵等髒肉眼不可見嘅野，未清洗或洗完未乾透就儲藏，時間一耐容易產生霉斑，對人們健康產生危害。

另外收納衣物時最好揀好天嘅時候，減少濕氣入侵。其實收納時，防潮係關鍵。

以下裝修佬分享俾大家衣櫃防霉小技巧： 

咖啡渣：兼具吸潮除臭雙重效果，放入紗布袋、絲襪或棉襪中紮緊，就係方便好用嘅小型除濕包。 

茶葉：喝完嘅茶葉曬乾，裝入紗布袋，分散各處，唔單止可以去除霉味，仲可以令衣物散發出陣陣清香。 

橙皮：曬乾嘅橙皮，唔單止可以當乾燥劑，仲可以防蟲。將一羹花椒或粒狀胡椒籽、乾嘅煙草或乾燥過嘅菊花瓣裝進棉布袋中，放入衣櫃或收納箱，就係天然嘅驅蟲劑同芳香劑。 

乾花：曬乾嘅薰衣草、茉莉、桂花、玫瑰花等，均可以有效防止各種害蟲、蟑螂，殺菌防霉，仲可以令衣物留有清爽花香氣味。 

舊報紙：係舊報紙外面包上保鮮紙，卷成筒狀固定係衣架上，然後再掛上羊絨同羊毛外套，可以有效除潮。 　　

洗衣粉：將洗衣粉倒入用完嘅除濕盒，或者直接係盒裝洗衣粉上套上保鮮紙，再吉幾個窿，放係需要除濕嘅角落，洗衣粉吸飽水分結塊後可擰去洗衫，相當環保。 　

保鮮袋：屋企容易受潮嘅物品可以用保鮮袋封存，如果已經受潮可以用微波爐烘乾後再封存。

(以上圖片均來自網路，如有任何版權問題，請與本站聯絡)