裝修風水學：你識唔識擺電視機？ (巨龍)

電視作為家居當中必備嘅電器，但擺放電視機有咩要注意呢？隨著社會嘅進步，科技嘅發達，現時嘅電視越出越薄，越出越大部。

熒光幕大睇電視真係與眾不同，但係電視真係越大越好？你又有無擺啱位置呢？裝修佬話你知。

電視機不宜太大 　　

電視五行屬火，電視機越大，火性越重。除非主人極端喜火就會對主人運勢有所幫助。否則就會因五行太過失衡，引起屋企人嘅情緒急躁，容易發生爭執口舌等是非。所以，一般情況下，屋企嘅電視不宜太大。 　　

電視音量不宜太大 　　

電視機嘅音量開得太大，會令人情緒不安，聽力敏感性降低。長此落去，會令屋企人反應遲鈍，亦即係形成風水上嘅聲煞，影響屋企人運勢。 　　

電視唔可以放喺唔通風散熱嘅地方 　　

電視工作時散發嘅熱量隨著電視螢幕大小而唔同，越大嘅電視散熱越多。呢種熱量聚集會容易引起家居氣流運動，從而改變居室風水。 　　

睡房不宜擺放電視 　　

現時家居格局中，睡房面積一般唔會太大，喺一百幾十尺嘅空間入面，再擺電視，其輻射、磁場對人嘅健康容易產生不良影響。 　　

電視鏡面效果容易引發桃花劫 　　

電視螢幕就好似一塊鏡，熄咗之後會有反射作用。呢種情形就好似鏡一樣，喺風水上會產生不利影響。將電視對床而放，長期落去會令瞓喺床上嘅人心緒不寧，精神不振，仲會容易引發桃花劫。

(以上圖片均來自網路，如有任何版權問題，請與本站聯絡)