裝修佬話你知！如何去除牆上污漬？ (康少)

牆係屋企嘅面子，牆面嘅新凈與否影響住成個家居裝修效果。如果屋企有小朋友，雪白嘅牆面避免唔到會留低佢地嘅傑作，例如蠟筆漬、墨水漬、雙面膠紙等，非常唔雅觀，諗起都頭疼。唔使驚，以下裝修佬教大家牆面污漬嘅去除方法，希望幫到你。

牆面污漬 

一般牆面灰塵，用乾淨毛巾抹乾淨便可，如果係手印、腳印，可以用膠擦輕輕擦拭。 

對於小朋友係牆面留低嘅蠟筆塗鴉，用乾淨抹布沾啲面霜輕輕抹便可。面霜中含有乳化劑，具有好好嘅除蠟效果。 如果牆面有殘留貼紙搣唔落來，最好先用風筒吹熱，等膠布軟化再輕扯落來便可。 

如果黐咗雙面膠紙，首先用指甲油嘅去光水試擦。因為去光水可以令牆面原本顏色跟著脫落。呢個方法建議用係唔明顯嘅地方，如果係大面積、顯眼牆面唔建議使用。或者擰塊沾滿醋嘅乾布，覆蓋住成個雙面膠痕跡嘅地方，等到雙面膠嘅黏漬完全濕透後，就可以輕鬆去除。 

如果唔小心整到豉油，用1%濃度嘅雙氧水試抹，無問題就可以大面積使用。 如果係防水牆面，可以直接用水清洗，洗淨後為防止受潮用乾毛巾吸乾水。 如果牆面污漬嚴重，可以用石膏沾在布上磨擦，或使用細砂紙輕擦，或係濕布上擠啲牙膏，可擦走牆上鉛筆或蠟筆筆漬。 

牆紙污漬 

如果牆紙發黃，可以係抹布上沾啲漂白水擦洗，最好事是先搵一處拭擦，無問題嘅話可繼續。 

紙質或布藝牆紙有了污漬唔能夠用水或濕抹布，最好用膠擦擦除。 

彩色牆紙染上油漬，可以用滑石粉墊上張吸水紙，然後用熨斗熨燙下即可; 對於塑膠牆紙，噴灑小小清潔劑，用抹布擦淨即可。

(以上圖片均來自網路，如有任何版權問題，請與本站聯絡)