為左擴闊自己嘅社交圈子，增加自己認識到另一半嘅機會，宜家唔少人都會貪快喺手機下載唔少嘅交友應用程式，希望能夠主動出擊。雖然個人帳戶開就開左，但一直放喺度卻好似從來都無女仔搵自己傾幾句咁，咁究竟係唔係自己個專頁出左啲乜野嘅大問題，令對方睇唔到自己有乜野吸引之處？
其實網上識人，第一眼就一定係睇下對方張相。而喺檢視過600個用戶專頁，分析過幾百位用戶嘅個人檔案後，交友網站Romance Goals最後就整理出一下10等您執番正自己個Look升格做網絡男神。
如果您地都想增加自己網上交友嘅成功率，咁就一定要好好參考一下喇！
5點執正個Look
1. 海灘／海邊影嘅相
根據Romance Goals統計貼上海灘／海邊照作為個人圖片嘅人，平均44%就會吸引到網友主動認識，並且有38.9嘅男士更會收到網友短訊。
2. 自己嘅單人照
要吸引到人認識您，最重要當然就要將自己呈現喺大家眼前，所以單人照絕對係不二之選，有37.2%獲得網友注視，34.4%收到網友短訊。
3. 集中面部特寫
同女士相反，男士嘅相片更應該集中展示自己容貌，而並非要展示自己嘅身材。
4. 笑要露齒
如果您嘅相片充滿陽光氣質，能夠見到您開心咁露齒而笑，您獲得40.6%網友注視嘅機會，以及有36.1%得到網友短訊。
5. 穿泳褲
身處於海灘當然要著番合適嘅裝束，穿上泳裝就能夠令53.3%網友注視您嘅專頁，以及有41.7%嘅機會收到對方短訊。
5點千祈唔可以犯：
1. 喺廁所裡面影嘅相
同貼上海灘照相比，用廁所裡面影嘅相做個人圖片嘅人就只會有27.8%吸引到網友注視，以及27.8%獲得網友發出嘅短訊。
2. 相入面有3個或以上個人
人地係要嚟認識你，而並唔係嚟玩眾裡尋他，所以假如相片裡面有咁多個人，人地自然就唔想浪費時間去搵邊一個先係您本尊。
3. 全身照
相較於男士身材，女仔其實更為重視您地嘅面容，因此相比起面部特寫照，全身照其實無咁受歡迎嘅。
4. 唔笑
苦瓜乾咁見到都完全感受唔到您嘅性格，而且仲會比人唔友善嘅感覺，所以唔笑嘅相真係輸蝕好多。
5. 著西裝或者便服
西裝會比人好扮野嘅感覺，好似夾硬交友網都要營造到自己係成功人士咁，老土得嚟又離晒地。便服唔係唔好但就令人覺得平平無奇，10個有9個都係咁嘅樣。
