超級KOL雨僑 做網購唔上架

現時social media (社交媒體) 的趨勢如火燒燎原，KOL (Key opinion leader) 瘋狂崛起，風頭更蓋藝人，但作為KOL元祖的雨僑 (Ava) 於N年前已睇好online前景，所以一早拍網片及透過網絡經營化妝品生意，為網上業務奠下基礎。

正當時下KOL都諗盡方法想透過online搵銀時，Ava已經發展到做online生意事頭婆，月前她在荃灣商廈租下逾千呎的辦公室，大搞網購之餘，更落本裝修整到靚作為拍片之用，斥資達六位數字。其實Ava之前曾將產品放去連鎖店寄賣，但皮費極重，叫人吃不消，她說：「我唔想做一啲對霸權屈服嘅嘢，唔想做上架啦，因為上架費同連鎖店會要求嘅宣傳費都好高，過去5個月已經冇做上架產品，反而集中做online業務，仲殺出一條血路。」早前Ava在辦公室舉行開放日，就吸引了不少OL到場幫襯，Ava還大送福袋，回饋顧客支持。

除了經營網購賺錢外，今年Ava更接拍了超過10條網上廣告片，包括妝扮、hmv、衛生巾、美白油、爽膚水、捲髮器、貓玩具、美容療程、脫毛療程及新加坡旅遊局等，密密拍已淨袋七位數字落袋，相當和味。